Thursday 8 October 2009

من شباك الوطن..,و افتتاح راديو المحروسة

الحلقة الاولي من برنامجي الاذاعي

 

من شباك الوطن


علي راديو المحروسة


يمنكم الاستماع لها

علي

أبناء مصر

أو

راديو المحروسة

أو

جريدة اليوم السابع


او الاستماع علي موقع 4 شايرد


استقبل تعليقاتكم و اقتراحاتكم علي

من شباك الوطن


dr.mohamadhany@gmail.com




Thursday 30 July 2009

نور حمدي يستكمل حواره مع ابناء مصر...ماهر قال مفيش تغيير من غير امريكا..الجزء الثالث


تقرأون فيه:


- شمس الفخاخري قال لماهر انت اتورطت لحد فين يا ماهر؟ ماهر سكت و قعد يعيط

- انا طلبت تجميد ماهر بدل من فصله

- باسم مكنش ساكت بيهاجم الكل عالنت و بيشتم الناس : "انتوا رجعيين وتاريخيين و دقه قديمةو بتزايدوا و خلاص "

- هل انت متخيل ان كيان غير شرعي هينسق خارجيا والحكومة الامريكية الي بتدعم الحزب الوطني ونظام حسني مبارك اللي بيأمن

صالحها في المنطقة.يوم ما تدعم كيان زي 6 ابريل يبقي الكيان دا صادق انه

هو يغير النظام فعلا؟

- معقول فريدوم هاوس اللي بيدعمها الكونجرس الامريكي هتدعم حد عنده مشكلة مع اسرائيل

- ماهر في بورسعيد قال مفيش تغيير من غير امريكا و اللي يفتكر غير كدا يكون بيهرج .

حوار:محمد هانئ، تفريغ: امة الله

Tuesday 28 July 2009

نور حمدي يواصل هجومه علي أحمد ماهر..ماهر طلب 100000 جنيه من فريدوم هاوس


فقط علي


تقرأون فيه
- و عندما سافرت اسراء لحضور نفس الدورة التي حضرها (باسم) ماهر استغل الفرصة و اتهمها بالعمالة للخارج
- لما حد من هنا يروح يقابل هيلاري كلينتون بيكون معروف و بيكون فيه تنسيق بين وزارات الخارجية
- ازاي باسم يسافر باسم الحركة يقول انا معرفش حاجة عن الكلام ده ..وصلتلنا استمارة سفر باسم و رسالة من باسم لشريف منصور(المسؤول الاقليمي لمنظمة فيردوم هاوس و كتبها في القاهرة) يقوله احنا شباب 6 ابريل و احنا في مأزق ديمقراطي ومحتاجين مساعدتكم و كانت السفرية ده لما فوق سن 25 وباسم ماكنش لسه تم 24 سنة

Sunday 26 July 2009

ضربة جديدة لشباب 6 ابريل..منسق الحركة بالاسكندرية تعلن استقالتها رسالة الاستقالة و قبل الجميع فقط علي ابناء مصر http://bit.ly/49Ig6

Thursday 23 July 2009

انتظروا يوم السبت و حصريا لابناء مصر: نور حمدي المقال من جبهة احمد ماهر يرد هجوم ماهر باعنف منه

·
انتظروا يوم السبت ان شاء الله الحوار اللي عملته مع نور حمدي اللي اقالته جبهة احمد ماهر من حركة 6 ابريل هو ومن معه من جماعة لن تمروا حصريا لموقع ابناء مصر
تقراون فيه
هيلاري كلينتون لا تعمل تحت السلم. مقابلة (باسم) معها لا بد ان يتم بتنسيق بين وزارتي الخارجية المصرية و الامريكية

· لو كان ضياء عرض الانفصال علي ماهر لكان استغله فورا

· (فساد العشوائيات) هو المشروع الذي تقدم به ماهر لفريدم هاوس و طلب له 100000 كتمويل مع ادراكه التام ان هذا ليس مجال عمل الحركة 

· عادل عمل هاك علي ماهر لما شك انه بياخد فلوس من وراه

· اسراء تم تطفيشها من الحركة. و عندما سافرت لحضور نفس الدورة التي حضرها (باسم) ماهر استغل الفرصة و اتهمها بالعمالة للخارج

· احمد ماهر بكي عندما وجهنا له سؤال (اتورطت معاهم لحد فين يا ماهر)

انفراد جديد لأبناء مصر ..بيان استقالة من شباب 6 ابريل الاسكندرية من الحركة

نجحت ابناء مصر في الحصول علي بيان يعلن فيه مجموعة من شباب 6 ابريل بالأسكندرية استقالتهم من الحركة اعتراضا علي ما اسموه بخداع احمد ماهر لهم اضافة لحالة التخوين ما بين جبهتي الحركة
(سيتم نشر البيان علي موقع ابناء مصر خلال ساعات بعد التغلب علي بعض المشاكل التقنية)

ابناء مصر
لينك الخبر


بيان أستقالة شباب 6 أبريل الأسكندرية
نعلن نحن أغلبية الجمعية العمومية لمجموعة شباب 6 أبريل الأسكندرية عن تقديمنا لاستقالات جماعية من التنظيم العام للحركة بعد ما شهدته الحركة lمؤخرا من حالات انشقاق و انقسام و تجاوزات من قبل الجماعات المتصارعة علي اسم الحركة و بعد أن أصبح كل منهم يفصل الأخر و يؤكد أنه صاحب الحق في أصدار البيانات باسم الحركة .
كما أنه و في ظل وجود مخالفات و تدخلات خارجية و انفراد من المنسق العام أحمد ماهر من أجل حماية منصبة و فقط بل و تكريس جهده في تصفية حسابات شخصية مما يسئ لاسم المعارضة المصرية و العمل الوطني لذلك قررنا -نحن الموقعون ادناه- الأتي:
يعلن شباب 6 أبريل بالأسكندرية عن تقديمهم لاستقالات جماعية من الحركة بحيث لا يكون ل 6 أبريل بالأسكندرية أي نشاط خلال الفترة القادمة باسمهم
و نكذب -نحن شباب 6 أبريل الأسكندرية -ما جاء من توقيعنا علي وثيقة لفصل أعضاء لن تمروا و أنه قد تم خداعنا من قبل المنسق العام (أحمد ماهر) بعد أن أوهمنا أن التوقيع هو علي مبادئ الحركة حتى فوجئنا بأنه قد تم استخدام التوقيعات في فصل أعضاء من الحركة و الأدعاء بأننا شاركنا في الجمعية العمومية التي جرت يوم الجمعة الماضية رغم عدم سفرنا للقاهرة



الموقعون :
م/ مصطفي خميس
م/ أحمد المصري
أ/ عبد الله محمد فرج
أ/ محمود العيسوى 
أ/ رشا فاروق عبدين
محمود بري


Thursday 16 July 2009

في اتصال معايا من دقائق..ندي صادق تنفي خبر عزلها


محمد هانئ\ ابناء مصر
اللينك
نفت السيدة ندي صادق أمين حزب الجبهة بمحافظة الغربية و الموجودة حاليا علي معبر رفح الحدودي في اتصال هاتفي مع ابناء مصر ما تم نشره علي موقع اخوان أون لاين بشأن صدور قرار بعزلها من موقعها كأمين للحزب مع اغلاق المقر بالمحافظة مؤكدة علي عدم صدور أي قرار بهذا الشكل ... و صرحت لمحمد هانئ أن المقر الذي قيل انه تم اغلاقه هو مجرد مقر مؤقت مؤجر لمدة شهر و قد تركوه بارادتهم منذ فترة لغلو

تكلفة ايجاره الشهري و التي تزيد عن الألف جنيه اضافة لضيق مساحته التي لا تزيد عن الثمانين مترا مربعا لا تكفي لأي فعاليات حزبية مؤكدة ان صاحبة المنزل و هي سيدة من عائلة العريبي تعرف ذلك تمام العلم

و من جانب اخر وردت انباء تفيد بنفي السيدة مارجريت عازر الأمين العام لحزب الجبهة -و التي قيل أنها أصدرت هذا القرار - لهذا الخبر تماما و أنه لم يصدر أي قرار رسمي بهذا الامر حتي لحظة كتابة هذه السطور

و علمت أبناء مصر أنه سيصدر بيان توضيحي رسمي بهذا المضمون عن حزب الجبهة غدا


Wednesday 15 July 2009

الجزء الثاني من حوار احمد ماهر لأبناء مصر بعد عصفة لن تمروا

الجزء التاني و الأخير من حوار أحمد ماهر منسق 6 أبريل الحصري لأبناء مصر بعد عاصفة لن تمروا..(6 أبريل ليست حركة مجدي حسين)

لينك الحوار

Tuesday 14 July 2009

الجزء الأول من حوار أحمد ماهر لابناء مصر

تم نشر الجزء الأول من حوار أحمد ماهر الحصري لأبناء مصر و غدا يتم نشر الجزء الثاني ان شاء الله وبعده يتم نشر حوار مع نور حمدي عن جبهة لن تمروا ان شاء الله

رابط الحوار

حوار حصري لاحمد ماهر

انتظروا خلال ساعات علي موقع أبناء مصر حصريا و أول حوار مع أحمد ماهر منسق حركة 6 أبريل..تقراون فيه(ضياء الصاوي حاول الايقاع بيني و بين وائل عباس و محمود صابر)..(نور حمدي من اسباب فشل اضراب 6 ابريل) ..(لم أكن موافقا علي اضراب عام في 2009 ولكنهم جروني لاضراب فاشل)..(انهم يحاولون هدم الحركة من الداخل)..(لن تمروا اعترفوا بتزوير استبيانات ما قبل اضراب هذا العام)..(لم أطلب التمويل بشكل مباشر من فريدوم هاوس)..الحوار كاملا دون حذف أو حتي اعادة صياغة خلال ساعات علي موقع أبناء مصر بشكله الجديد

HTTP://ABNA2MASR.COM


Friday 1 May 2009

Thursday 30 April 2009

خريطة انتشار انفلونزا الخنازير في العالم



لمتابعة توزيعة انتشار انفلونزا الخنازير علي خريطة العالم

جوجل عمل خريطة ظريفة يظهر فيها حالات الاصابة والاشتباه والوفيات كمان

-رغم انهم لحد دلوقت محطوش كوريا بس يشكروا علي أي حال

اضافة لوصف مكان و طريقة اكتشاف الحالة



اللينك



===========
و الله من وراء القصد

رقصة انفلونزا الخنازير..مكسيكي مترجم


لحقوا
أي والله لحقوا يعملولها اغنية ورقصة كمان
العيال بتاعة المكسيك عيال زي الفل
بيواجهوا الوباء بالغناء
معندهمش حل لمواجهة الغباء بالمرة
ملحقتش اترجمه عربي لكن اظن في الانجليزي الكفاية
=============




es la noticia del dia/it’s the news of the day
la influeza ya llego/the influenza is here
compren todos medicina/everyone get your medicine
pa enfrentar al batallon/so you can confront this battalion

ya mejor que te de un sida/it’d be better to get AIDS
un cancer o comezon/cancer or an itch
hoy mas vale ser suicida/nowadays its better to be suicidal
con taquitos de pastor/with “al pastor” (spiced pork) tacos

[coro/chorus]

por que dicen que es la gripa perfecta (2)/because they say its the perfect flu (repeat
no te vayas a perder, cuñado. todo se acabo/don’t let go, bro. its all over
por que dicen que es la gripa perfecta (2)/because they say its the perfect flu (repeat)
y no saben que el chilango vive bajo el smog/and they don’t know the chilango [Ed: Mexico City inhabitants are called Chilangos] lives under smog

vete de la capital/leave the capital
pronto todo va estallar/everything is going to blow up soon
quedaremos como zombies/we’ll be left like zombies
bien quemados por el sol/all burnt up by the sun

ahora quien nos va ayudar/who’s gonna help us now?
no le llamen a super man/don’t call superman
todos estaremos muertos/we’ll be all dead
cuando llegue indiana jones/when indiana jones gets here

coro/chorus


لمتابعة اخر اخبار انفلونزا الخنازير swine influenza


يا مراحب


تم تجنيد المدونة لمواجهة انفلونزا الخنازير و ما يستجد من انفلونزات
:)))

خلال ساعات سيتم بث فيديو علي اليو تيوب و بث مباشر علي القناة الخاصة بي علي
justin.tv
يتحدث عن كل شئ عن انفلونزا الخنازير أو كما تم تغيير اسمها الي انفلونزا اتش 1 ان 1
============

لكل التوترجية رابط لمتابعة اخر تطورات انفلونزا الخنازير لحظة بلحظة
في كل منطقة من مناطق العالم

http://twitter.com/Veratect

----------------------


Wednesday 8 April 2009

عن اضراب الدكاترة بكرة..كلهم في العك و التهجيص سواء.. شيرشي الجرانديوزتي



الدكتور الكويس لازم يكون عنده شوية جرانديوزتي(تضخم في الذات)
"نقلا عن أحد أساتذتنا في الكلية"
=====
الأولة جرانديوزتي
لما أنا يكون عندي جرانديوزتي و معتقد أن انا أذكي عن غيري من البشر العاديين اللي مش دكاترة يعني
و فرضا أن الله أنعم ع الدكاترة لوحدهم بالذكاء والألمعية-و ده مما أري غير صحيح علي الأطلاق- أي و الله
و كما قال خالد الذكر خالد الصاوي
مبروم علي مبروم ميرولش
فيبقي عيب لما أستذكي ع الدكاترة اللي زيي
========
الثانية اضراب
 
عندنا اضراب بكرة
الخميس 9 أبريل
ياحلاوة المولد
المفروض كل الدكاترة تقفل عياداتها الخاصة
و ده اللي وصله مجلس النقابة الوطني الاخواني اللوزعي
كرد عنيف-نياهاهاها- علي ان ميزانية الصحة حتقل
ما يعني ان وعود الكادر كانت في الكلتش
و ان مجلس النقابة اللوزعي اتضحك عليه
فقرر يستخدم أقوي أسلحته و هو قفل العيادات الخاصة
يوم الخميس
بتقولوا ايه يا ولاد
الخميس
ايه ؟
الخميييييييييييييييييييييس
!!!!!!!!!!!!!!!
========
 و الثالثة سؤال
أي حد بيشتغل في حقل الطب البشري
أو حتي في مجال التسويق الدوائي
(ميديكال ريب)
يدرك أن معظم العيادات بتبقي أجازة يوم الخميس
يعني اضراب ناس في أجازة
طب يبقي اضراب ازاي يا دكتور هاني؟؟؟
و انا مالي اسألوا النقابة
!!!!!!!!!!
=================
الرابعة جواب 
يعني النقابة حتخلي الناس اللي في أجازة يعملوا اضراب من بيوتهم
أه
طب والسؤال هنا ازاي ده يبقي ضغط ع الوزارة اللي العيادات ده مش من مكونتها الأساسية لانها بالأساس تابعة لأفراد تشرف عليهم النقابة
برضه انا مالي
اسألوا حمدي السيد
أو عصام العريان
أيهما كان أقرب
و علي فكرة فيه بحسب النقابة عدد من العيادات حيكون مفتوح بكرة في كل حي والمستوصفات مفتوحة والمستشفيات 
طب يبقي اسمه ايه ده
================
الخامسة جابولي الضغط 
يعني حيضغطوا ع الوزارة بحاجة متأثرش فيها و بناس قاعدين في بيوتهم بالفعل
يعني انا عايز اعرف هم بيضحكوا علي مين
ع الدكاترة
يبقي عيب
ع الوزارة
مهم برضوا دكاترة مش جايين من صالون حلاقة
يبقي بيضحكوا علي مين
!!!!!!!!!!!!!!!
=================
السادسة استسهبال
(مسرحية العياال كبرت)
حسن مصطفي:حد يروح المدرسة يوم مولد النبي يا وله..يوم الأجازة
!!!!!!!
سعيد صالح:أه يا بابا رحت و فتحت الباب و ضربت الجرس و شرحت لنفسي ومفهمتش حاجة
!!!!!!!!!!!!!!!!!!!
=========== 
الأولة الجرانديوزتي
و
الثانية اضراب
و
الثالثة سؤال
و
الرابعة جواب 
و
الخامسة جابولي الضغط
و
السادسة استهبال
و
السابعة
هأوأو..ابقوا قابلوني لو فلحتم
==========
حد فهم حاجة؟؟؟؟

Tuesday 7 April 2009

البروفيسور يوسف داود يتكلم..هششش..يا تتعلموا يا تروحوا تناموا


فيلم الشيطانة التي أحبتني
بطولة محمد صبحي-لبلبة
مشهد داخلي
منظر لمكتب يجلس عليه يوسف داود و امامه كمبيوتر من النوع القديم..أيوااااااااا بيتاع ال
dos
الستوري بورد
العصابة(عصابة ابناء كوزموس) مجتمعة حول يوسف داود-كبير الكوزموسياسية- يتناقشون بعد نجاح عملية تسريب أسئلة امتحان ماجيستير كلية الاقتصاد و العلوم السياسية عبر خداع أستاذ المادة(فؤاد خليل)أو معطي كما كانت تناديه زوجته
يوسف داود  مدليا نظارته الطبية علي انفه ينظر من فوق اطارها الي جهاز كمبيوتر تجري اصابعه ع الكيبورد بمهارة وسرعة
يضغط (الانتر) فيظهر امامه رسم بياني
يوسف:همم..نسبة نجاح العملية ده 94  في المية
أحد افراد العصابة أبو عضلات ( مش فاكر أسمه):المرة الجاية تبقي مية في المية يا بوس
محمد فريد(واحد من العصابة): أك أك أك تف(يبصق في وش زميله في العصابة أبو عضلات اللي لسه برضه مش فاكر أسمه): أكيد يا بروفيسير
يوسف داود يقول جملته البليغة : العملية ده لو اتكررت مش بس حتفشل لكن حتكشف العملية اللي قبلها ..أبناء كوزموس لازم تتعلموا هاو تو بي أولويز نيو
!!!!!!!!!!!!!!!!!!!!!!!!!!!!!!!!!!!!!
اللي فهم فهم و اللي مفهمش يبقي ريح دماغه
 =============
و برضه أحب أقول لعواجيز الفرح و لكل واحد حيعملي فيها عبقري التحليل الكروي...لو حضرتك عمرك ماعرفت الفشل يبقي مع احترامي لحضرتك انت حمار..لازم تفشل عشان تعرف يعني ايه نجاح

Sunday 15 March 2009

كلمتين

رغم اني بالأساس لا أطيق عبد الحليم قنديل لا مهنيا ولا كسياسي و برضه برغم اني قرفان من الحسابات الوسخة بتاعة عصام اسماعيل اللي رمت قنديل بره عشان مقاله..لكن ده لا يمنع ان صوت الأمة علي يد قنديل وصلت للحضيض و اي حد حييجي حيكون احسن 

Thursday 26 February 2009

افتكاسة اليوم


عملوها الوحوش ياريتني كنت معاهم..نياهاها.تسلموا يا رجالة الاسماعيلي..تسلم دماغك يا جريشة..واهدي للاهلوية رائعة عنتر هلال أهلي أوبح نياهاهاها

Monday 23 February 2009

افتكاسة اليوم

و في نهاية البرنامج احب أهدي رائعة الفنان الشعبي عادل الخضري (صحوه..نايم ننه ) لاخوانا بتوع الخلايا النايمة.....نياهاهاها

Saturday 21 February 2009

افتكاسة اليوم

الأمن عامل حركة 14 فبراير بتاع عيد الحب عشان لمواجهة المعارضة مش بعيد بكرة نلاقيه عامل حركة 31 أكتوبر بتاع الهالويين عشان يخوفهم بجد ..نياهاهاهاها

اللينك

Friday 20 February 2009

عاااااااجل يا اسكندرانية

وردني منذ قليل خبر عاجل نقلا عن أحمد المصري الاسكندراني : اشتعال حريق هائل في هذه اللحظة بسنترال المنشية الرئيسي بالاسكندرية

Tuesday 17 February 2009

حوار عنصري بين نوارة والضابط ابو كشك

نهار خارجي 

الوقت:3 ظهرا

الستوري بورد

مواطنة اسمها نوارة نجم راكبة عربيتها

مرت في ميدان عبد المنعم رياض وراكبة عربيتها

لقت مطب قصاد عربيتها

هي وقفت في مطب عند المتحف ولسه راكبة عربيتها

لقت ظابط قاعد في كشك وهي راكبة عربيتها
الحوار

قالت للضابط أبو كشك المطب ده ماله عالي أوي كده ليه

قالها أبو كشك عشان الارهابيين ميفجروش المتحف و نقدر نمسكهم

قالتله مين يقدر يفجره

قلها: المحجبات اللي زيك و الارهابيين اللي شبهك هم اللي بيعملوا الحاجات ده

(نظرة ذهول علي وجهها من الرد)

قالتله :وانا لو عايزة افجره حتعرف تمنعني

قلها ابو كشك: انا عرفت شكلك ورقم عربيتك ووحبعتهم للقسم حالا..كل اللي بيلبسوا حجاب بيعملوا زيك كده


تمت

===================

مش بلاك كوميدي

ده واقع عنصري احنا بنعيشه

المحجبات اللي هم امهاتنا واخواتنا بقم ارهابيين

!!!!!!!!!!!!!!!!!!!!!!!

للي عايز يمثل دور أبو كشك في الفيلم ده رجاء التقدم لسموئل أبو سحلة المنتج المنفذ لشركة التعذيب ليمتد للانتاج السينمائي 

عاجل يا شباب...سموؤل عاد من جديد

عاجل: تعرض مجموعة المدونين للاهانة والتعذيب في قسم شرطة قصر النيل علي خلفية انضمامهم لنوارة اثناء قيامها بعمل محضر لاحد الضباط جراء اهانته لها ها امام المتحف .المصري..المدونون هم..محمد مفيد..محمد الغزالي ..احمد الساعاتي.. أحمد مهني .. ونوارة نجم
اشتكي المدونون من المعاملة السيئة التي وصفوها بالاهان والتعذيب في القسم اضافة للمعاملة السيئة من عتيد التعذيب سموؤل أبو سحلة والذي قام باحتجاز نوارة والغزالي و اخذهم للمأمور و اسمه هاني جرجس وقام بأخذ رقم هاتف نوارة و الغزالي و اخبرهم انه سيهاتفهم حال الوصول لشئ..
وخرجوا جميعا من نصف ساعة بسلامة الله

Tuesday 3 February 2009

مش باقي مني- جمال بخيت


اعظم ما قال جمال بخيت ولو لم يكتب بعدها لكفاه

Monday 2 February 2009

مرت سنة علي وفاة مجدي مهنا..حقا..المعمدون بماء الشرف يكفنون بشغاف القلوب حيث مثواهم الأخير