Friday 30 March 2007

الزعيم صدق انه زعيم










اعذروني علي قطع الحوليات بتاعت نفصيل الكستور
 السبب دماغي
اول ما شوفت الكليب ده جابتلي خاطر غريب
وزاد الخاطر ده بعد تصريح لطيف للامن انه يستبعد وجود علاقة بي سرقة فيلا عادل وبين موقفه من الاستفتاء
ماشي دماغي قالتلي اكتب عنها فانتازيا
قصة محصلتش
طب لو فرضنا يعني....فرضنا بس ان كان له علاقة
هو مش عادل امام في فيلم السفارة في العمارة كان جايب واحدة ولامؤاخذة من الشارع
ولما عرفت انه ساكن جنب السفارة الاسرائيلية شتمته وبهدلته
لانها وطنية
المصيبة ان عادل امام صدق ان هو الزعيم
يعني وقفته يوم الاستفتاء مع الحزب الوطني جاءت من باب المساعدة المتبادلة بين الزعماء
يا خبر اسود...ما علينا
اسمحولي ارسم سناريو خيالي
حرامي غلبان بس شاطر
نفسه صعبانه عليه انه بيسرق و قرر يتوب لله ونواها
لكن ضيق المعيشة بهدله يعمل ايه بس؟؟؟؟؟
المهم قرر انه يرجع تاني للسرقة و بعد ما لعن سلسفيل اللي سرقوا البلد وخلوه يسرق وفي الاخر هو يتمسك وهما يتغنوا ويمسكوا مناصب في الحزب الحاكم
قعد يفكر علي القهوة اسرق مين انا عايز هبرة كبيرة بعدها اتوب
وهو قاعد علي القهوة لاقي الناس قاعدة مبوزة
ايه يا اخوانا
قالوله: حيعدوا التعديلات
قالهم: تعديلات ايه
قالولوا: تعديلات الدستور
قالهم: دستور ايه اله يخرب بيوتكم انا مش لاقي اوكل عيالي تقولولي دستور
قالوله: امال ايه الحبر الي علي ايدك
قالهم : معرفش انا قالولي خش المدرسة ده ابصم و خد علبة حلاوة المولد وامشي
قالوله: مهو ده كان الاستفتاء اللي الناس كانت مقطعاه
قالهم: انا مليش دعوة انا كنت عايز العلبة عشان العيال
الناس من اهتماها بالموضوع قام صبي القهوة فاتح برنامج القاهرة اليوم علي الاوربت(مش اعلان بس هيه الحقيقة)
لان القناة كانت فتحاه مجانا يومها
سمع ال(زعيم) وهو بيؤكد ان كل حاجة تمام والناس حلوة ومعتمدة علي الحكومة وازاي الحياة مش عاجبة عمرو اديب
الواد الحرامي غلي الدم في دماغة
وراح قايل ايه؟؟؟ يابن ال....(من عندي : ابن الناس الكويسين)
وقال وحياة امي في تربتها لانا معرفك الاعتماد علي الحكومة اخرته ايه
وكانت السرقة
و ساب ورقة لل(زعيم) قالخ فيها: ( واحنا اللي كنا فاكرينك زعيم وبنحبك
يا اخي روح في ستين....(من عندي: سلامة) انت واللي اشتغلتلهم واللي يشوفك تاني)
ولم يعلن الامن عن هذه الورقة خشية فضيحة ال(زعيم)
النهـــــــــــايــــــــــــــــــــة
نزول الستار



Wednesday 28 March 2007

حوليات تفصيل الكستور الحلقة الثانية.....حرب الكاركاتير




لن اتحدث في هذه التدوينة ساعلق فقط
فالصورة اصدق من اي كلام

جريدة الاهرام




جريدة اخبار اليوم


 
الفنان حجازي
الفجر









الفنان جمعة
الفجر








و أخيرا الفنان الواعد  :)

المصري افندي





Tuesday 27 March 2007

حوليات تفصيل الكستور الحلقة الاولي - ابتذاذ بورقة الدين -


صدقت توقعاتنا بالامس وكانت النتيجة 27 في المائة وكسور
علي رغم من سعادتي باني نشرت هذا بالامس الا ان الالم يعتصرني
علي التزوير عيني عينك والفجر البالغ من قبل النظام سواء من شحن الموظفين
او تسويد البطاقات او ملأ الصناديق ما علينا
لكن ما يهمني هو تشريح الموقف ما له وما عليه
ساحاول في الايام القادمة اكمال التغطية بشكل صحفي و بتحليل شخصي
في حوليات تفصيل الكستور
اسف….تعديل الدستور
و لنبدأ بالحرب الدينية المعلنة
ونظرا لان المواطنة تم اقرارها نشوف
اول حاجة هي حرب الاخوان و شيخ الازهر
مجرد تلاعب جماعي بورقة الدين
انتم مالكم بالللي يصوت واللي ميصوتش
مزايدة من الاخر علي الأخر
والناس في المنتصف لعبة يايدي الجميع
بدأت الحرب الدينية المعلنة يوم السبت من قبل شيخ الازهر
والذي لا يحظي بمحبة عدد غير قليل من الشعب المصري
لمواقفة الموالية للنظام
حيث خرجت علينا صحف الحكومة بتصريح فضيلته
(من لا يذهب للاستفتاء كاتم للشهادة….وكاتم الشهادة اثم قلبه)
تصريح لا يليق بشيخ الازهر وامام السنة في العالم
تصريح يثير الضيق
و لكن اعتدنا علي تصريحاته الرائعة التي اذكر منها ما قيل ايام ازمة الرسوم الدنماركية
(الرسول ميت ولا يجوز الحديث عنه هكذا) الي اخره من التصريحات المستفذه
ما علينا…….لم بفت هذا علي الاعلامية الرائعة مني الشاذلي والتي استضافته في حوار
علي الهاتف ليؤكد ما قيل قبل ذلك ولكن نجحت الاعلامية الكبيرة في اسقاطه في الفخ ونجحت في
خطف تصريح اعترف فيه الشيخ الجليل بعدم معرفته بالتعديلات الدستورية و علام سيقترع لكن مادام
مجلس الشعب وافق فخلاص وانه يقترع علي الخطوة لا علي التعديلات لان(محدش بعتهالي)
تصريح قنبلة وفضيحة مدوية لامام السنة في العالم هو لا يختلف عن اي مواطن غلبان لا يعرف القرأة ولكن ذهب ليقترع علي ايه ميعرفش لكن مادام الريس عمل كده لازم نوافق كتر خيره
ولم يمر التصريح علي خير
خرج اخوانا الاخوان ليزيدوا الطين
بله يا اخوان ايه لازمته الانجرار للسكة ده ولا انتم حتعملوا كده لو مسكتم انتم كمان يلا ادينا قاعدين في البلد ده نتفرج
(من يذهب للاستفتاء هو شاهد زور)
يا خبر اسود يعني اللي راح واللي مرحش شايل ذنب
وعلي نفس النغمة جأتني انباء  لم يتسن التأكد منها من مصدر محايد انا الجمعية الشرعية في مصر دخلت علي الخط وقامت بوضع يافطات تاييد للتعديلات  ان صوتوا بنعم
وددت لو اضحك لكنه ضحك كالبكاء علي حال الدين والبلد
طبعا م الاخوان وشيخ الازهر اخدوا توكيل الاسلام في مصر
فضيحة وشئ مقرف خداع باسم الدين لتحقيق المصالح السياسية
طب والمواطن الغلبان اللي يسمع كل ده تفتكروا يعمل ايه
اكيد حيشتم ده وده ويروح ينتخب عشان ياخد علبة الحلاوة بتاعة الحزب الوطني واهو يفرح العيال في مولد النبي
وكله كوم والبابا شنودة كوم
لا اجد افضل من تعبير اخي الحاج جرجس حين شبهه ب(ناظر عزبة الاقباط)
يقول للانفار روحوا يروحوا متروحوش ميرحوش كفاية لعب بالدين حتحرقونا وحتحرقوا انفسكم
مش حتي روحوا انتخبوا يا اقباط لا روحوا قولوا نعم …. بل وهناك اخبار( غير مؤكده) عن ارسال برقية شغل للرئيس
وكما وعدتكم حصريا وفقط علي( في الكلبش) التسجيل الفضيحة لشيخ الازهر
حصريا واتحدي
للـــــــــــتـــــــــــــــــــحـــــــــــــمــــــــــــــــيـــــــــــــــــــــــــــــــــــل

Monday 26 March 2007

اخر اخبار الطبيخ

انباء حكومية عن وصول نسبة الاقبال الي 23-27 في المائة
و في بعض اللجان بالمنصورة اخبار عن ان نسبة الموافقون علي التعديل وصلت الي 90 في المائة
والمعارضة تقول انها نجحت في عزل الحزب الحاكم
و عصام العريان يؤكد ان المشاركة
لم تزد عن 10 في المائة

المهزلة كاملة






  مساءا7:15
اعتذار عن التاخير لعيوب فنية في الشبكة لا صله لي بها
المهم  تم اغلاق الصناديق
انباء عن اطلاق سراح المعتقلين امس برميهم في الصحراء
تاكد انباء اجبار المصوتين علي الموافقة
تضارب حول  نسبة المشاركة المعارضة تقول  1-3 %
والوطني يصل بها للعشرين بالمئة
ووكلات الانباء الي ما بين هذا وذاك
احجام شديد عن التصويت وانباء عن حدوث حشود جماعية وحدوث ترهيب وترغيب للعمال  والموظفين


12:15

استمرار انخفاض الاقبال
التاكد من وجود المختطفين عند التجمع الخامس
اعتقال اربعة جدد من كفاية
وصول العدد لقرابة العشرين
ساعود في الرابعة والربع
للمزيد من الاخبار

11:15
انباء عن الاستعداد لبدء شحن الموظفين والعمال و طلاب الجامعات
الانتخاب بدون حتي اثبات للشخصية
شكوي من اجبار العمال علي التصويت بنعم حتي داخل اللجان
التاكد من غياب معظم القضاة عن الاشراف ما يهدم الاستفتاء من اساسة
لازال الانخفاض في الاقبال مستمر

10:15
ساعتان علي بداية الاستفتاء الساعة 10
انباء عن انخفاض نسبة الاقبال حتي الان
نسبة كبيرة من المصوتين نساء ربات بيوت
انباء عن استمرار اعتصام شباب المعارضة امام مقابة الصحفيين
استمرار اختطاف المعارضون منذ الامس حتي الان من قبل الامن مع تضارب الاقوال حول مكان الاحتجاز
استمرار عدم عرضهم علي النيابة

9:15
ساعة علي بداية الاستفتاء
وردتني انباء الأن من عدة مصادر تفيد ان من يقوم بالاشراف علي الانتخابات ليسوا قضاة
وهو ما يتعارض مع المادة 88 من الدستور قبل تعديلها
و في حال تأكد هذه المعلومة والنجاح في اثباتها
يعني هذا قانونيا جواز الطعن علي اجراءات الاستفتاء لان المادة 88 القديمة لا تزال سارية المفعول
تابعونا لكل جديد فقط وقبل الجميع علي في الكلبش


بدأت المهزلة

ساعة علي بداية الاستفتاء
وردتني انباء الأن من عدة مصادر تفيد ان من يقوم بالاشراف علي الانتخابات ليسوا قضاة
وهو ما يتعارض مع المادة 88 من الدستور قبل تعديلها
و في حال تأكد هذه المعلومة والنجاح في اثباتها
يعني هذا قانونيا جواز  الطعن علي اجراءات الاستفتاء لان المادة 88 القديمة لا تزال سارية المفعول
تابعونا لكل جديد فقط وقبل الجميع علي في الكلبش

Thursday 15 March 2007

CONSTITUTION'S(DOSTOR) BLACK LIST




The modifications of the Constitution black list
These 5 as we can see are 4 men and a woman
4 professors and a judge
These 5 are the most involved 5-each in his place-
With renewal of the Egyptian constitution
Let’s start with the one I think is one of the most people affecting the renewal decision.
Judge Mohammad el dakrory…….not known as a politician but known to be mubarak’s law consultant…..he was chosen by mubarak as the lawyer who introduced mubarak’s papers for presidential nominations in 2005, after that he was chosen after the ending of the 2005 parliamentary elections as one of the 10 peoples named by the president at the parliament…..he is considered as one of the closest consultants of mubarak in line with zakaria azmy-director of President Mubarak's office- after the declining of the role of osama el baz-the political consultant of the president- and safwat al sharif & kamal el shazly.
He was chosen by the legalistion committee in the parliament to be the representative of the committee to answer every question about the renwed parts…he did that well at that mission and it was said that he had the upper hand in the committee even he isn’t the head of it
El dakrory with his mighty law-tailor ability by suiting the law for what he wants and what the regime in Egypt needs deserved the first place in my list….
The second in my black list is professor hammed fatty sorrow he is the head of the Egyptian parliament since 1991 up till now he is known for his ability to manage the parliament for the sake of the party of the president that he belongs to…he doesn’t only have this ability but also he is known to be a one of the best lawmakers for his great experience….he even not having a great contribution in the 2007 renewal but he will have a major role in bypassing the renewed parts with the weapons of mass destruction to the individual’s freedom hidden in the new parts specially paragraph number 179 about the terrorism fighting law which will known to be worse than the emergency law .
Professor amal Othman is one of the most important characters in Mubarak’s regime
She was-for many years- the minister of the social affairs in Egypt after…..she was one of the best law-tailors in Egypt….and to prove her importance for mubarak’s regime in we saw in the 2005 parliamentary elections that she was a nominee….and after the declaration of the winning of her opontnent in everywhere even it the news about her loss was published in the daily newspapers..Eventhough the final declaration of the results came out with her winning over her opponent!!!!!!!!!!!!!!!!!!
Her importance her come from being the head of the legalisation committee in the parliament that is responsible for drafting the modification of the new constitution
Which has in its membership el dakrory and professor ramzy el shaaer but I guess his importance isn’t as the former 3 importance
The importance of professor mofeed shehap comes not from his position as minister of the parliamentary affairs but from his great law experience……he was one the of the committee that prepared the Egyptian file about the right of Egypt in taba…so he liked to be called (shehap of taba) he was chosen as a Minster of higher education and scientific research in ebeid’s ministry
The last one is professor aly eldin helal he is known to be the political teacher of gamal mubarak his importance her comes from being the one who faces the media and with being a good politician and having the ability of convincing the people with what he wants…….and as a proof of his importance to the regime he was chosen as minster
Of youth in atef ebeid’s mintery….and after the disaster of loosing the nomination to host the football world cup 2010 –that would have put an end to his political career –
He kept his position at the national party and as a teacher of gamal so his importance also
Comes from influencing gamal’s opinion’s.



حاحا (احمد فؤاد نجم والشيخ امام

بقرة حاحا

ناح النواح و النواحة

على بقرة حاحا النطاحة

و البقرة حلوب

حاحا

تحلب قنطار

حاحا

لكن مسلوب

حاحا

من أهل الدار

حاحا

و الدار بصحاب

حاحا

و احداشرباب

حاحا

غير السراديب

حاحا

و جحور الديب

حاحا

و بيبان الدار

حاحا

واقفين زنهار

حاحا

و يوم معلوم

حاحا

عملوها الروم

حاحا

زقوا الترباس

حاحا

هربوا الحراس

حاحا

دخلوا الخوجات

حاحا

شفطوا اللبنات

حاحا

و البقرة تنادي

حاحا

و تقول يا ولادي

حاحا

و ولاد الشوم

حاحا

رايحين ف النوم

حاحا

البقرة انقهرت

حاحا

ف القهر انصهرت

حاحا

وقعت ف البير

حاحا

سألوا النواطير

حاحا

طب وقعت ليه

حاحا

وقعت م الخوف

حاحا

و الخوف ييجي ليه

حاحا

من عدم الشوف

حاحا

وقعت م الجوع

و من الراحة

البقرة السمرة النطاحة

ناحت مواويل النواحة

على حاحا

و على بقرة حاحا

 
1967

لتحميل الاغنية








Tuesday 13 March 2007

كلب الامير كلاكيت تاني مرة




كلب ابن الامير الذي تكلمت عنه قبل ذلك
حبيت احطلكم مواصفات جنابه-كما وردت في الفجر- .
(اسبيكي) هو اسم الكلب ...عيونه زرقاء و يعيش مع رفيقته (داتشي)
في غرفة 2512مستقلة بهم في فندق موفنبيك- حد منكم يقدر علي ثمن ليلة واحدة من ليالي سبايكي في الفندق- هذا الكلب –ابو عيون زرق- مخصص للقتل.
هذا الكلب له سجل رائع مع المصريين من العض والقرم وصل حتي الأن الي ثلاث مرات لم يبخل جناب الأمير تركي بن عبد العزيز شقيق ملك السعودية في الانفاق عليها فقد قام باضافة مكملات غذائية خاصة بالكلاب لتقوية عضلاتها.
وكما اسلفت في التدوينة السابقة فقد تم التصالح بين ابو حبيبة وابن الامير بدفع ما قيمته 20 الف دولار ثمن علاج البنت.
الجدير بالذكر ان الامير كان يسكن في فندق اخر قبل موفنبيك ورفض دفع فاتورة الحساب للدور الذي يستأجرة بصفة دائمة لاقامته هو وحاشيته وكلابه.

ولكن السبب الحقيقي في وضعي هذه التدوينة عن الامير هو الاعلان مدفوع الاجر الذي نشرته الاهرام بتاريخ 10/3/2007 وهو ما اقتطع منه الاتي( أهدت الجمعية العلمية ومجلس تحرير مجلة اجيبشين ميديكال جورنال درع الطب للأميرة سماهر ابنة الامير تركي بن عبد العزيز شقيق خادم الحرمين الشريفين –اخت احمد صاحب الكلاب-
تقديرا لدعمهم المستمر- بضحايا اسبايكي طبعا- ورعايتهم للمرضي )
(كما قررت انشاء وحدات علاج بكل من مستشفي قصر العيني الفرنساوي ومستشفي كلية الطب البيطري –طبعا مهي العائلة بتهتم بالحيوانات وصحتها-)
(وقام باهدائها الدرع الاستاذ دكتور احمد شفيق)
لو لاحظنا فرق التوقوت بين القرمة الاخرانية للكلب و تسليمها الدرع نلاقي ان فيه نوع من –اخرسوا يا مصريين محنا بنصرف عليكم وعلي علا جكم انتم وكلابكم ملكومش دعوة باللي بنعمله بقي-
كنت اتمني من الاساتذة الدكاترة مراعاة شعور المصريين بعد ما تم عض كرامتهم ليس مرة ولا مرتان بل ثلاث
من قبل كلب الهانم واهلها وتلغي الجايزة
عفوا يا يا سادة لازالت لدينا كرامة ولن نرضي بالقاء الاموال لنا حتي نشكركم فلسنا عبيد احسانكم
اخرجوا من بلدنا مع الف مليون داهـ... سلامة
ويايرت يا اساتذة يا افاضل تفكروا برضوا في بلدكم قبل أي حاجة تانية – والمعني في بطن الكاتب-
و برجو من السادة الافاضل الغاء الامتيازات الاجنبية علي حساب اصحاب البلد في سبيل دينارات ودولارات
الله يرحمك يا كرامة




Sunday 11 March 2007



عن المتناوي اكتب...............انا لله وانا اليه راجعون
واحد ضابط عمره 24 عام...دافع عن شرف واحدة مصرية
قعدت افكر.......هو كان بيفكر في ايه لما عمل اللي عمله ده
يمكن شاف في البنت اللي كانوا يريدون اغتصابها اخته او خطيبته
اللي كان حيتجوزها بعد اسبوعين
موقفش عند كده وطاردهم لحد مقبض عليهم
ستر البنت وصان شرفها
وصان شرف مصر
اللهم ارحمه
بس فيه سؤال دار في دماغي
لو كان محمد عاش لحد ماخد رتبة عميد
هل كان حيفضل زي ماهو
قصدي شهم وشجاع وبيستر الناس مش يخليهم يخلعوا هدومهم ويصورهم؟؟؟؟
ولا البدلة السودة بعد وقت بتغطي قلوب الضباط بغشاوة غامقة
بس......م اسلام –عماد الكبير جيت- برضه صغير
بس الفرق ان ده ابوه مسود قلبه له من الاول فمر بالمرحلة ده
والتاني ابوه رباه يستر خلق الله
أكيد الفرق في التربيه
فاللي تربيته واطيه يطلع زي اسلام ويكون مكانه مزبلة التاريخ في الدنيا وعند الله الدرك الاسفل من النار-ان شاء الله من غير مقاطعة-
واللي اهله ربوه كويس تكون نهايته اننا نحني له الجباه اجلالا ونزرف الدمع علي رحيله
و يعيش في جنة الخلد مع الصديقين
هما دول اللي بيموتواويسيبونا لكلاب موردوش علي تربية يتحكموا فينا
مع ان النسر اللي علي الاكتاف واحد
البقاء لله
 اضغط هنا للمعلومات الكاملة عن الموضوع
......




Friday 2 March 2007

كلب الأمير

  
 يا حسرة قلبي عليك يا مصري
بعد مكنت كريم العنصرين
بقي كل واحد يتحكم فيك
كل جلف كان امبارح بيجري ورا الغنم في الجزيرة العربية
بقي دلوقتي عايش فوق رأسك.يتحكم فيك..و يذلك
يا أخي دول دلوقتي بقوا حتي يأنفوا التعامل مع المصريين
وليه مدام فيه كلاب
حتي الكلاب يا مصري محنتش عليك
وانت من خيبتك كنت زمان بتعبدها...أأأأه يا خايب
كلاب الأمير السعودي عقرت حبيبة بنت سعيد محمد السيد
وايــــــه يعني كتر خيرها انها مموتتهاش
محنا ملناش كرامة ولا دية ولا بلد نسأل علينا
كلب ابن الامير هجم علي البنت وفرتكها
الأب تصالح مع الجاني
تفتكروا ليه؟؟؟؟
وحقولكم كلمتي المشهورة(اوعوا دماغكوا تروح لبعيد)
فيه احتمالات كتيره
1)أهمها طبعا أن أبو البنت خاف علي العلاقات المصرية الخليجية والتي تتميز بالاحترام المتبادل سواء علي مستوي القيادات او علي مستوي الجالية المصرية في الخيليج والتي تتميز عن غيرها من الجاليات في دول الخليج بالاكبار والاحترام الشديد من جانب اهل هذه الدول للمصريين
2) خوف والد الطفلة علي مستقبل الامير الصغير من العقاب علي أساس ان مستقبله حيضيع (اوعوا تفتكروا ان الامير مثلا-اللهم اخزيك يا شيطان- حيلبس أي حد غيره القضيه ويخرج منها زي الشعرة من العجين)
3)قوات امننا الباسلة التي لم تمارس اي ضغوط علي والد الطفلة لانها معروف عنها الشفافية الي الحد الذي يجعلنا لانراها في تجاوزات العائلة المالكة في مصر (يا لهوي علي دماغكوا اللي دايما تروح لبعيد مش قصدي عائلة مبارك قصدي الامراء الخلايجة اللي عايشين في مصر دامغكوا ده حتوديني في ستين داهية الله يسامحكو)
ومن هنا واحقاقا للحق احب اشكر المباحث و قوات امن المطار و قوات نادي الشرطة علي وضعها الامير الصغنون ابن الأمير الكبير علي قوائم الممنوعين من السفر_ زي الامير القطري بتاع سباق العربيات اللي هرب_

وسمعني سلام يبقي انت أكيد في مصر