Saturday 18 August 2007

عندي تربية عسكرية


اعتذر عن توقف نشاطي مؤقتا لأخذي دورة التربية العسكرية
و التي سأنتهي منها 30-8 ان شاء الله

= = = = = = = = = = = = =

هذه التدوينة منقولة من اسماء عصام العريان
اعانها الله و اهلها علي البلاء
و خلص مصر اللهم من الغباء و ووباء الحرامية

= = = = = = = = = = = = = = = = =






الصورة دى اخدناها لما بابا خرج من اعتقال 2005 ... واللى على الحيطه ورا بابا ده

مكتوب نورت البت .. كنت انا الى عملاها وبابا فرح بيها اوى وكان كل ما ييجى الصحفيين يصورها معاه

المهم احنا سبنا الزينه عادى بما ان كانت بنت اختى اتولدت .. فقلنا نضرب عصفورين بحجر

لقيناهم جم اخدو بابا تانى .. رحنا قلنا نسيبها لحد ما يخرج .. وبالفعل خرج

بس للاسف شليناها دلوقتى.. بس اوعدك يا بابا ان الزينه المرة دى هتبقى مختلفه

السلام عليكم
تعديل

"لم يخلو من رقم خمسة"

من وانا طفله بعانى من موضوع اعتقال ابى

تانى اعتقال ليه وانا عندى خمس سنين .. سنة 95

اتحاكم عليه خمس سنين ... خرج وانا فى خمسة ابتدائى

قعد معانا خمس سنين

اتاخد تانى سنة 2005 ... فى شهر خمسة

خرج قعد معانا خمس شهور ... اتاخد تانى فى شهر خمسة

والمرة دى خامس مرة يعتقل


"يوم الاعتقال"

الخبر نزل عليا انا كالصاعقة .. لانى بصراحة مكنتش متوقعه خالص

المهم انا هاحكيلكم على اليوم من اوله من ساعة ما بابا اتمنع من السفر

انا كنت هدخل انام على غير عادتى على الساعه 12 .. بس لقيت بابا بيقولى بما انه عارف انى بسهر للفجر ,
اسماء صحينى الساعه 2

لان الطيارة كانت الساعة 6

المهم سهرت عشان اصحى بابا .. وبعدين سلم عليا وقالى عايزة ايه من تركيا وكده ( كان نفسه اوى انه يسافر )

وقالى كمان ... ابقى ابعتيلى مسدجات وانا فى تركيا ومتنسنيش

المهم كملنا السهرة انا وماما لبعد الفجر عشان نطمن على بابا

وواقفين فى البلكونة لقيناه رجع

اول لما دخل البيت قعد يهزر معايا ويقولى شفتى جبتلك ايه من تركيا .. تعالو اتفرجو جبتلكو ايه ..

وانا والله حاسه ان كان من جواه مضايق قوى

المهم بعديها المفروض اننا بنتمشى بعد الفجر ... فانا اعتذرتلهم لانى كنت خرمانه نوم ..

المهم بعديها انا كان عندى خطوبة واحدة صحبتى فى اكتوبر ..

فقلنا بالمرة نروح نغير جو يومين فى شقتنا الى فى اكتوبر

واتفقنا مع بابا ان هو بعد ما يخلص الاجتماع بتاعه هيجيلنا على اكتوبر وانا وماما سبقناه لاكتوبر ..

وهو قعد يجهز مع ماما الحاجات الى هناخدها معانا

وكانت الحاجات معاه فى العربية

رحت انا وماما اكتوبر .. هى راحت لاختى عقبال ما اخلص انا الخطوبة

وبعدين لقيت التليفون بيرن .. لقيته ابراهيم .. خير يا ابراهيم

اسماء امن الدوله عند عمو سناء واحتمال يجو عندنا

المهم انا كنت مطمنه شويه على اساس ان بابا مش فى البيت

عقبال ما قفلت مع ابراهيم لقيت سميه بتكلمنى .. بتقلى امن الدوله عندنا .. وكسرو الباب ..
انا ساعتها وشى اصفر وقلتلها طيب وبابا فين .. قالتلى معرفش ( مكنتش تعرف لسه ان بابا اتاخد )

المهم انا قاعدة كل ده اتصل ببابا يدينى مشغول ...
اتصلت بمحمد صقر زوج سميه اختى ... قالى انهم اخدو بابا وعمو سناء

ساعتها بقى قلبتلهم الخطوبه الى شىء تانى .. وانا عايزة اروح وحاجات من هذا القبيل

روحت انا وماما للهرم جينا لقيناهم مشيو من البيت خلاص

هما ملقوش حد غير زوجه اخويا .. بس هيا مكنش معاها مفتاح البيت .. فكسرو الباب .. وفتشو كل الغرف ... بس مسرقوش حاجه .. ومضو زوج خالتى على ورقة انهم مسرقوش حاجة .... اخدو شوية مقالات لابى بخط اليد .. وبعض اوراق تخصه

هنقضى رمضان لتالت سنه متتالية من غير بابا

ملحقش يغير جو فى اكتوبر .... ملحقناش نحجز فى مصيف ونصيف

تالت صيف على التوالى بابا ميقضيهوش معانا

منعوه من السفر لتركيا ... ومنعونا من المصيف مع بابا

بجد مش عارفة اقول اية .. يمكن انا اكتر واحدة مضايقة لغيابة .. لانه كان هو الى معايا فى البيت هو وماما

بجد بجد .. البيت ملهوش اى طعم .. بجد بجد يا بابا وحشتونى .. غير اى مرة تانية

مستنياك



Friday 3 August 2007

دمعة طفل ليبي





يصنف نفسه كوريث لعبد الناصر
سائر علي دربه مقتف اثره
اخر عنقود الناصريين العرب في الحكم
لكن ناصر لم يفرط يوما في كرامة اطفال بلده
= = = = = = = = = = = = = =
لقد ارسل الي بلغاريا
5 قتلة
حقنوا 450 طفل بالايدز
عمدا
لذلك استحقوا الاعدام
= = = = = = = = = = = = = = =
الموضوع تتدخل فيه حسابات سياسية
لقد استفادت ليبيا سياسيا بعد سياسة الجزر التي تبعت المد الليبي الذي ناطحت السياسة الليبية ابانه
السياسة الدولية
لكن في النهاية اتبعوا الحكمة القائلة
ان لم تستطع ان تكون ضدهم...انضم لهم
لذا فسياسيا استفادت ليبيا
= = = = = = = = = = = = = = =
كما امتدت الاستفادة الي الاستفادة المادية
بحسب سيف الاسلام القذافي لم يدفعوا التعويضات التي دبرتها فرنسا
كما لم تدفعها بلغاريا
= = = = = = = = = = = = = = =
السؤال هنا عندي
ما علاقة بلغاريا بالطبيب الفلسطيني؟؟؟
لماذا ادخلوه ضمن الصفقة
لقد منحوه الجنسية البلغارية
= = = = = = = = = = = = = = = =
لم اجد جوابا سوي هو كسر عين العرب
فرد عضلات عليهم
فحتي الذي ليس من مواطنيهم صار داخل كردون حمايتهم
اوروبا هي جنة الله في الارض
فوق البشر
فوق القانون وفوق العرب
= = = = = = = = = = = = = = = =
محكوم عليهم بالاعدام
صاروا طلقاء
لا تدعوا علي الحكام العجزة
لكن العنوا صمتكم

++++++++++++
++++++++++++

دمعة طفل ليبي

هناك كنت اسير في المستشفي
و جدته يجلس وحيدا
شاردا
اقتربت منه
و جدته دامعا
مالك يا بني
حزين علي ضياع حقك
قبضت يدا مددتها لمسح دمعك
اشفقت ان اصاب بمرضك
او لنقل لعنتك
حقونك بدم فاسد
و نحن يجري الفساد فينا مجري الدم
لوثنا الخنوع بذاك السم
الجبن
الغبن
اضاعوا حقك بحفنة من ورق لعين اخضر
او لاقل باعوك لابن اوروبا الاشقر
ثم جأوا ينوحوا بعد الافراج عنهم
فيا سادة
لا اعرف من سيدهم
قتل اطفالنا ليس جريمة في شرعتهم
فمتي كان لنا ثمن
اعذرني يا بني
فحتي دمعك لا اجرؤ علي مسحه
سامحني



محمد هانئ

Thursday 2 August 2007

اعتذار


تم رفع القصيدة للحفاظ علي الخصوصية الشخصية
اعتذر لكل من يدخل ولا يجد القصيدة
فالغضب قد يعمي احيانا
ولكن احمد الله علي العقل الذي يفيق ما بعد الغضب لينقذ الموقف


Wednesday 1 August 2007

كلمات سبارتكوس الاخيرة

 جزء من قصيدة امل دنقل  قصيدة  

كلمات سبارتكوس الاخيرة

================
مزج ثان

معلّق أنا على مشانق الصباح

و جبهتي – بالموت – محنيّة

لأنّني لم أحنها .. حيّه !

... ...

يا اخوتي الذين يعبرون في الميدان مطرقين

منحدرين في نهاية المساء

في شارع الاسكندر الأكبر :

لا تخجلوا ..و لترفعوا عيونكم إليّ

لأنّكم معلقون جانبي .. على مشانق القيصر

فلترفعوا عيونكم إليّ

لربّما .. إذا التقت عيونكم بالموت في عينيّ

يبتسم الفناء داخلي .. لأنّكم رفعتم رأسكم .. مرّه !

" سيزيف " لم تعد على أكتافه الصّخره

يحملها الذين يولدون في مخادع الرّقيق

و البحر .. كالصحراء .. لا يروى العطش

لأنّ من يقول " لا " لا يرتوي إلاّ من الدموع !

.. فلترفعوا عيونكم للثائر المشنوق

فسوف تنتهون مثله .. غدا

و قبّلوا زوجاتكم .. هنا .. على قارعة الطريق

فسوف تنتهون ها هنا .. غدا

فالانحناء مرّ ..

و العنكبوت فوق أعناق الرجال ينسج الردى

فقبّلوا زوجاتكم .. إنّي تركت زوجتي بلا وداع

و إن رأيتم طفلي الذي تركته على ذراعها بلا ذراع

فعلّموه الانحناء !

علّموه الانحناء !

الله . لم يغفر خطيئة الشيطان حين قال لا !

و الودعاء الطيّبون ..

هم الذين يرثون الأرض في نهاية المدى

لأنّهم .. لا يشنقون !

فعلّموه الانحناء ..

و ليس ثمّ من مفر

لا تحلموا بعالم سعيد

فخلف كلّ قيصر يموت : قيصر جديد !

وخلف كلّ ثائر يموت : أحزان بلا جدوى ..

و دمعة سدى !

( مزج ثالث ) :

يا قيصر العظيم : قد أخطأت .. إنّي أعترف

دعني- على مشنقتي – ألثم يدك

ها أنذا أقبّل الحبل الذي في عنقي يلتف

فهو يداك ، و هو مجدك الذي يجبرنا أن نعبدك

دعني أكفّر عن خطيئتي

أمنحك – بعد ميتتي – جمجمتي

تصوغ منها لك كأسا لشرابك القويّ

.. فان فعلت ما أريد :

إن يسألوك مرّة عن دمي الشهيد

و هل ترى منحتني " الوجود " كي تسلبني " الوجود "

فقل لهم : قد مات .. غير حاقد عليّ

و هذه الكأس – التي كانت عظامها جمجمته –

وثيقة الغفران لي

يا قاتلي : إنّي صفحت عنك ..

في اللّحظة التي استرحت بعدها منّي :

استرحت منك !

لكنّني .. أوصيك إن تشأ شنق الجميع

أن ترحم الشّجر !

لا تقطع الجذوع كي تنصبها مشانقا

لا تقطع الجذوع

فربّما يأتي الربيع

" و العام عام جوع "

فلن تشم في الفروع .. نكهة الثمر !

وربّما يمرّ في بلادنا الصيف الخطر

فتقطع الصحراء . باحثا عن الظلال

فلا ترى سوى الهجير و الرمال و الهجير و الرمال

و الظمأ الناريّ في الضلوع !

يا سيّد الشواهد البيضاء في الدجى ..

يا قيصر الصقيع !

( مزج رابع ) :

يا اخوتي الذين يعبرون في الميدان في انحناء

منحدرين في نهاية المساء

لا تحلموا بعالم سعيد ..

فخلف كلّ قيصر يموت : قيصر جديد .

و إن رأيتم في الطريق " هانيبال "

فأخبروه أنّني انتظرته مديّ على أبواب " روما " المجهدة

و انتظرت شيوخ روما – تحت قوس النصر – قاهر الأبطال

و نسوة الرومان بين الزينة المعربدة

ظللن ينتظرن مقدّم الجنود ..

ذوي الرؤوس الأطلسيّة المجعّدة

لكن " هانيبال " ما جاءت جنوده المجنّدة

فأخبروه أنّني انتظرته ..انتظرته ..

لكنّه لم يأت !

و أنّني انتظرته ..حتّى انتهيت في حبال الموت

و في المدى : " قرطاجه " بالنار تحترق

" قرطاجه " كانت ضمير الشمس : قد تعلّمت معنى الركوع

و العنكبوت فوق أعناق الرجال

و الكلمات تختنق

يا اخوتي : قرطاجة العذراء تحترق

فقبّلوا زوجاتكم ،

إنّي تركت زوجتي بلا وداع

و إن رأيتم طفلى الذي تركته على ذراعها .. بلا ذراع

فعلّموه الانحناء ..

علّموه الانحناء ..

علّموه الانحناء ..



==========
القصيدة كاملة


القصيدة بصوت امل دنقل