Tuesday, 17 February 2009

حوار عنصري بين نوارة والضابط ابو كشك

نهار خارجي 

الوقت:3 ظهرا

الستوري بورد

مواطنة اسمها نوارة نجم راكبة عربيتها

مرت في ميدان عبد المنعم رياض وراكبة عربيتها

لقت مطب قصاد عربيتها

هي وقفت في مطب عند المتحف ولسه راكبة عربيتها

لقت ظابط قاعد في كشك وهي راكبة عربيتها
الحوار

قالت للضابط أبو كشك المطب ده ماله عالي أوي كده ليه

قالها أبو كشك عشان الارهابيين ميفجروش المتحف و نقدر نمسكهم

قالتله مين يقدر يفجره

قلها: المحجبات اللي زيك و الارهابيين اللي شبهك هم اللي بيعملوا الحاجات ده

(نظرة ذهول علي وجهها من الرد)

قالتله :وانا لو عايزة افجره حتعرف تمنعني

قلها ابو كشك: انا عرفت شكلك ورقم عربيتك ووحبعتهم للقسم حالا..كل اللي بيلبسوا حجاب بيعملوا زيك كده


تمت

===================

مش بلاك كوميدي

ده واقع عنصري احنا بنعيشه

المحجبات اللي هم امهاتنا واخواتنا بقم ارهابيين

!!!!!!!!!!!!!!!!!!!!!!!

للي عايز يمثل دور أبو كشك في الفيلم ده رجاء التقدم لسموئل أبو سحلة المنتج المنفذ لشركة التعذيب ليمتد للانتاج السينمائي 

8 comments:

مهندس مصري said...

طيب ايه اللي حصل في القسم بالضبط ؟

بنت القمر said...

!!!!!!!!!!!!



ذهول





مرارة

محمد هانئ said...

معاملة سيئة
اهانات
طناش
نعذيب نفسي
تسويف
احتجاز و عدم مراعاة لظروف استاذة صافيناز كاظم اللي كانت مع نوارة هناك

مختار ابن الحاج برهام العطار said...

تدخل نوارة القسم ومعاها النجمة ايمان الطوخي واللي بتمثل دور المحامية

الضابط بيرحب بيهم ويقوم من على مكتبه وياخد بيد نوارة ويقعدها بنفسه على الكنبة اللي بركن الغرفة, بينما تكتفي المحامية ايمان الطوخي بالجلوس على الكرسي اللي قبال المكتب

يسالهم الضابط يحبوا يشربوا ايه, وبعد ما ياخد طلباتهم ينادي على العسكري ويطلب منه انه يجيب عصير لامون لنوارة وكباية شاي لايمان

شوية وييجي تليفون للضابط وهنا الكاميرا بتعمل زووم لوشه اللي يبتدي يتغيّر وتبدا ملامحة تبقى قاسية ومليئة بالغضب والقرف


خلاص ... خللي اللي بعدي يكمل اصلي عاوز انام

تصبحوا على خير

SostyPasha said...

ههههههههه
عجبي بجد ايه الأمن المتخلف اوي اللي عندنا دا

بسمـــة مســـــلّم said...

مفيش كلام يتقال هنا غير بلد زبااااااااااااااااااااااالة ايه يعنى حنتوقع ايه من حكومة فاسدة ووزير ثقافة بيدعو للتبرج عاددددددددددددى بس بصراحة اول مرة اسمع لحن المحجبات فى اقسام الشرطة وعجبى

مختار ابن الحاج برهام العطار said...

بسمة مسلم

ليه بتقول عن البلد زبالة؟
دي مش بلدك؟
طب حكومة فاسدة ووزرا فاسدين دي عرفناها

لكن تتجرأ وتقول عن مصر زبالة؟

ده وانت اسمك بسمة مسلم وبتتكلم بالاسلوب ده عن بلدك, أمال لو كان اسمك ديفيد بن كوهين كنت حتقول ايه؟

بصراحة انت زبالة, وأوعى اشوفك مرة تانية تشتم مصر

اللي بيسترخص بلده وبينزل من مقامها يبقى ما بيستحقهاش

خليك انت مع بتوع الجماعات الارهابية يا ارهابي

انت كده بتشوه معنى الدين

ربنا ياخدكوا

الخوجة said...

تسلم انا نقلت وعملت لينك لى.تسلم ياريت الصور