Friday 30 March 2007

الزعيم صدق انه زعيم










اعذروني علي قطع الحوليات بتاعت نفصيل الكستور
 السبب دماغي
اول ما شوفت الكليب ده جابتلي خاطر غريب
وزاد الخاطر ده بعد تصريح لطيف للامن انه يستبعد وجود علاقة بي سرقة فيلا عادل وبين موقفه من الاستفتاء
ماشي دماغي قالتلي اكتب عنها فانتازيا
قصة محصلتش
طب لو فرضنا يعني....فرضنا بس ان كان له علاقة
هو مش عادل امام في فيلم السفارة في العمارة كان جايب واحدة ولامؤاخذة من الشارع
ولما عرفت انه ساكن جنب السفارة الاسرائيلية شتمته وبهدلته
لانها وطنية
المصيبة ان عادل امام صدق ان هو الزعيم
يعني وقفته يوم الاستفتاء مع الحزب الوطني جاءت من باب المساعدة المتبادلة بين الزعماء
يا خبر اسود...ما علينا
اسمحولي ارسم سناريو خيالي
حرامي غلبان بس شاطر
نفسه صعبانه عليه انه بيسرق و قرر يتوب لله ونواها
لكن ضيق المعيشة بهدله يعمل ايه بس؟؟؟؟؟
المهم قرر انه يرجع تاني للسرقة و بعد ما لعن سلسفيل اللي سرقوا البلد وخلوه يسرق وفي الاخر هو يتمسك وهما يتغنوا ويمسكوا مناصب في الحزب الحاكم
قعد يفكر علي القهوة اسرق مين انا عايز هبرة كبيرة بعدها اتوب
وهو قاعد علي القهوة لاقي الناس قاعدة مبوزة
ايه يا اخوانا
قالوله: حيعدوا التعديلات
قالهم: تعديلات ايه
قالولوا: تعديلات الدستور
قالهم: دستور ايه اله يخرب بيوتكم انا مش لاقي اوكل عيالي تقولولي دستور
قالوله: امال ايه الحبر الي علي ايدك
قالهم : معرفش انا قالولي خش المدرسة ده ابصم و خد علبة حلاوة المولد وامشي
قالوله: مهو ده كان الاستفتاء اللي الناس كانت مقطعاه
قالهم: انا مليش دعوة انا كنت عايز العلبة عشان العيال
الناس من اهتماها بالموضوع قام صبي القهوة فاتح برنامج القاهرة اليوم علي الاوربت(مش اعلان بس هيه الحقيقة)
لان القناة كانت فتحاه مجانا يومها
سمع ال(زعيم) وهو بيؤكد ان كل حاجة تمام والناس حلوة ومعتمدة علي الحكومة وازاي الحياة مش عاجبة عمرو اديب
الواد الحرامي غلي الدم في دماغة
وراح قايل ايه؟؟؟ يابن ال....(من عندي : ابن الناس الكويسين)
وقال وحياة امي في تربتها لانا معرفك الاعتماد علي الحكومة اخرته ايه
وكانت السرقة
و ساب ورقة لل(زعيم) قالخ فيها: ( واحنا اللي كنا فاكرينك زعيم وبنحبك
يا اخي روح في ستين....(من عندي: سلامة) انت واللي اشتغلتلهم واللي يشوفك تاني)
ولم يعلن الامن عن هذه الورقة خشية فضيحة ال(زعيم)
النهـــــــــــايــــــــــــــــــــة
نزول الستار



10 comments:

Music Gates said...

علي قدر ما بحب عادل امام كاممثل علي قد ما بكره شخص عادل امام يخربيت موالسة اهله طيب زي ما بيقول كدا لو احنا مش بنفلي في كل حاجه ياريت كدا يقولي البلد بايظه ليه ارحمونا بقي

محمد هانئ said...

ازيك يا
copa
اهي يا سيدي بلوة من البلاوي اللي ربنا بيبتلينا بيها
الزعيم المحترم نصير البسطاء اذكر له موقف لما راح يقابله جمعة الشوان بطل القصة بتاعة مسلسل دموع في عيون وقحة الحقيقي رفض يقابله
هما دول الابطال بجد مش اللي مش فالح غير في انه يطول ايده علي ده وده في افلامه
قال ايه بيضحك الناس
تغور انت والضحك الواطي بتاعك
نورتني يا كوبا

About Me said...

zay el fol....

About Me said...

mafesh a7san men keda ....yeshfy elkelab we yedorroh

محمد هانئ said...

حنقول ايه يا عم ميدو
اللهم لا شماتة

اخر موالسة الوطني
.....
سرقة


نورتني يا ميدو

Anonymous said...

Perhaps you may visualize how hard it must be to test to training
on board a ship or maybe a submarine.

My website - http://www.getfitnstrong.com/adjustable-dumbbells/dumbbells-sale-further/

Anonymous said...

There are actually only a number of pieces of equipment that you
can expect to will need for that P90x home physical fitness system.


Here is my web page getfitnstrong.com

Anonymous said...

The greatest charm of isometrics is having a few simple movements and never an entire wide range of time you could
receive a full body training -- in your house -- with your office -- or any where!


My web blog - relevant site

Anonymous said...

Even if the products continues to be applied quite a
bit you will discover that it is possibly in superb condition.


Also visit my weblog source

Anonymous said...

I've made use of each and I like them both.

My web site - getfitnstrong.com