Wednesday 4 June 2008

فيديوهات جريمة مستشفي المطرية كاملة و دون حذف لأول مرة

أعلم أنه من غير المقبول وضع هذه الصور ولكن هذا هو الواقع
و هذه هي الجريمة
و لا بد من محاسب المسؤول
الفيديوهات موضوعة دونما حذف أو متجة كما هي من المصدر

ملحوظة:لم يتم التأكد من جهة محايدة أنها مستشفي المطرية ولكن واضع الفيديو كتب هكذا
المدونة غير مسؤولة عن أي خطأ في اسم المستشفي انما هو نقل لاسم المستشفي من المصدر 

أصحاب القلوب الضعيفة لا ينصح بمشاهدتهم هذه الأفلام

لم أقم بوضع فيديو العناية المركزة لظهور وجه المتوافاه كاملا 




4 comments:

Bella said...

بيناقشوا الموضوع على العاشرة مساء

وفيه طبيب سخيف من وزارة الصحة بيدافع بطريقة مستفزة جدا وبيقول ان المتوفين توفوا قبل انقطاع الكهربا

طيب يعني معلش لما هم اتوفوا قبل الكهربا ماتنقطع ايه سبب وجودهم في غرفة المبتسرين وجوة الحضانات وهم متوفيين

يعني العيب مش من انقطاع الكهربا
ولا بسبب عدم عمل المولدات

يبقى السبب في اهالي المتوفين

حاجة تقرف

طول الوقت عمال يؤكد على ان الدكاترة عملوا اللى عليهم

هو كان المفروض يعني الدكاترة مايعملوش اللى عليهم ولا ايه

اما هم دكاترة رايحين يتفسحوا ويتمشوا في المستشفى ويتمنظروا بالبلاطي

ماطبيعي لازم يحاولوا ينقذوا الاطفال

ده شغلهم اصلا

امال هم ملائكة الرحمة ازاي

وبعدين ازاي مستشفى تنقع عنه الكهربا بشكل متكرر وبالطريقة دي

منتهي الحقارة بصراحة

محمد هانئ said...

طبعا يا بيللا ماتوا قبل م الكهرباء تنقطع
و سابوهم عشان الأهل حاجزين الحضانة فول بورد لمدة يومين كمان ولازم يخدوا حقهم بالكامل

و برضه حيحاولوا يشيلوها لأصغر دكتور امتياز موجود في القسم
هي ده وزارة الصحة
هي ده حال التعامل مع الغلابة في البلد ده

استقيل يا جبلي يا بتاع دار الفؤاد

غوروا كلكم يا حكومة هم عن وشنا

حسبي الله ونعم الوكيل

Bella said...

انا اللى غايظني الراجل اللى اسمه الدكتور مرتجى وطريقة دفاعه المعتادة زيه زي اي هباب بيشتغل ومسمينه مسؤول وهو لامسؤول ولانيلة

الجبلي قال ايه سايب المشكلة الاصلية وح يرفع قضايا على الجرايد اللى اتكلمت
مفروض الكل ياكل لسانه ومايتكلمش على اي حاجة غلط بتحصل

ايه الهم اللى احنا فيه ده؟؟

محمد هانئ said...

لازم يقول كده لانه مسؤول مسؤولبية مباشرة عن الموضوع لانه المسؤول عن المستشفيات التعليمية
فدفاعة عن الموضوع دفاع عن رقبته هو شخصيا
أما الوزير فمرفعش قضية ع اللي نشر
هو طالب النائب العام بالتحقيق في الموضوع كله
و طلب منه التدخل في النشر يعني عاوز يمنع النشر بقرار من النائب العام

نفسي أضحك بس مكتئب
:(