Friday 2 May 2008

عواجيز الفرح رفعت السعيد ويوسف البدري يزايدوا علي الشباب.نياهاهاها..

شكر خاص للأخت العزيزة بيللا للتصحيح
غاده ده غير عادة عبد العال صاحب مدونة
wanna-b-abride
لذا وجب التنبيه








مصر اللي انت متعرفهاش

تحقيق صحفي ساذج عمله واحد صحفي ميستحقش ذكر اسمه في الاهرام بهدف مسح الجوخ للحكومه و عشان اسمه يتط ع المدونات ويتشهر وتلعب يقي معاه
التحقيق المنشور في التدوينه السابقة ناقص مداخلة ليوسف البدري
رفعت السعيد بيقول ان اي مواطن عاقل حيقول علي الداعين للاضراب عيال لاسعة
وانا بقول لحضرته يا ريس حزب بياخد الانتخابات بالأمن اي مواطن عاقل حيقول علي حضرتك عجوز مخرف
و كله كوم يوسف البدري كوم
اخرج من الكتاب والسنة ما حاول تطويعه لاثبات ان الخروج ع الحاكم حرام
ساعة هرج أشر من 50 عام من ظلم الحاكم
و نسيت يا كبير المدافعين يا كبير قضايا الحسبة ياللي صعبان عليك دين الله ان الرسول كان اقوي واحد دافع عن الانسان
عن كرامته و حريته وأمانه
انه ميتحبسش عشان قال كلمة حق في وجه حاكم ظالم
هو مش جنابك اللي بترفض تعمل حوارات مع غير المحجبات
و اول م هالة سرحان تكلمك تروح جري
يأخي اتقي الله في الناس والدين اللي بتضيعوه
الصحفي اللذيذ اللي عامل الموضوع جايبلنا واحدة ملهاش في السياسةاسمها عبير سليمان بيقول صاحبة مدونة
عشان تتكلم في السياسة
هي أكيد فرحت بحوار في الاهرام
لكنها أكيد حتخسر بيه اكثر ما تكسب
الصحفي بيقول انها نجمة نجوم الفايس بوك
ياارجل
أول مرة اعرف ان الفيس بوك له نجوم
و جايب واحدة بتتكلم عن العنوسة عشان تتكلم في السياسة

و تقولي صحفي
و اخر كلامي ليك لو وصلك يا اللي متتسمي
يحموك في كنكة
مصر اللي انت متعرفهاش هي مصر اللي حسب م البديل كتبت انهاردة بقت بتأكل الميتة(بفتح الميم)عشان مش لاقية تأكل

اهديلك حاج من مصر اللي انت نتعرفهاش
البديل-عدد الجمعه 2-5-2008

(«شوال الفراخ» الميتة بـ 5 جنيهات .. و«البديل» تصور عملية البيع والشراء بالفيديو

الدجاج جاء من مزرعة تقول «الصحة» إنها أعدمت دواجنها ودفنتها دفنا صحيا



الدقهلية: تامر المهدي

ان خطاب السيد الرئيس قد انتهي منذ ساعات قليلة ووعدهم بالعلاوة «التاريخية»، ولكن فقراء طلخا قرروا ألا يتركوا هذه الفرصة الأكثر «تاريخية» في ليلة عيد العمال: فرصة شراء دجاجة بخمسة جنيهات فقط.. ولو كانت «ميتة» أو مشتبها في إصابتها بأنفلونزا الطيور! استيقظ حمدي شعبان ،أحد سكان طلخا، مذعورا علي صوت ضجيج حشود بالقرب من منزله مساء أمس الأول، وتوقع أن حادثة عظيمة وقعت.. «بمجرد أن نظرت من النافذة- يقول حمدي- رأيت أعدادا كبيرة تتجه صوب الأبواب الخلفية لمزرعة المديرية بطلخا، وفي غمرة التزاحم سقط بعضهم في المصرف الفاصل بين منازل الأهالي والمزرعة.. وذلك من أجل شراء دجاج مقابل خمسة جنيهات فقط للدجاجة».
السر كان في تصريح مديرية الطب البيطري بالدقهلية منذ خمسة أيام بالاشتباه في حالات مصابة بأنفلونزا الطيور في مزرعة «البياض» بطلخا، تم علي إثرها عزل عدد من العاملين هم: عوض أحمد عوض وإحسان محمد الشحات وهانم عبدالمعطي سرور وريهام عبدالله محمد ودينا محمد علي وشادية محمد إبراهيم وسيدة محمد إبراهيم ورانيا السيد محمد، وتم إجراء تحاليل عاجلة لهم. كما صرحت المديرية بأنها أعدمت 35500 دجاجة علي مدار ثلاثة أيام وأكدت دفنها دفنا صحيا. أحد أهالي طلخا قال لـ«البديل» إنه سمع أحد حراس المزرعة يروج لهذا الدجاج ويقول إن إصابة الدجاج وإعدامه، كانت مجرد تصريحات للمديرية علي الورق، وشجع الحارس الأهالي علي الشراء مدعيا أن الدجاج سليم تماما ! ولكن «البديل» رصدت وصورت أجولة من الدجاج الميت اشتراها الفقراء بخمسة جنيهات للجوال. ورجحت مصادر طبية أن سبب وفاة الدجاج الميت الذي تم بيعه هو نقص العلف، الذي لا يمكن للمزرعة توفيره لأن الدجاج صدر أمر رسمي بإعدامه، ولأن طريقة الإعدام المتبعة للدجاج المصاب تكون بالدفن بعد إضافة مواد تسبب التحلل الفوري له. ويؤكد شراء الأهالي دجاجاً حياً، بالإضافة للميت، بهذا السعر الرخيص أن إعدام الدجاج لم يحدث فعلياً بعد صدور الأمر، وأن هناك من استغل هذه الفرصة وحاجة الفقراء للدواجن وقام ببيعها لهم متجاهلاً احتمال إصابتها بأنفلونزا الطيور . «حتي لو كانت مصابة فعلاً بأنفلونزا الطيور- يقول شريف حسين أحد الأهالي الذين اشتروا- سنغليها جيدا في الماء... ابعد عنا الله يكرمك... عاوزين ناكل لحمة يا بيه !»

)

17 comments:

Bella said...

تصحيح بسيط بس علشان ماتظلمش برايد

عبير المكتوبة دي في التحقيق ماحدش يعرفها

وصاحبة مدونة عايزة اتجوز برايد اسمها غادة عبد العال مش عبير خالص

فمعلش ياريت تصلح الاسم علشان البنت ماتتظلمش

اما بقى سي اسم الله عليه حوزين محتاج يتعمل له شوية موضوعات تربيه تربية شرعية علشان لما يحب يفبرك يفبرك بذكاء ويبطل شغل الغباء الحكومي اللى بيكتب بيه ده

جاته القرف

محمد هانئ said...

حاضر يا بيللا سيتم التصحيح

لكن الشبه واحد
الفرق في الحجاب

ثانيا مفيش حد كتب في الموضوع بالتوسع ده غيرها
و برضه غاده
لكن أوكيه حنصحح حتي بثبت العكس
شكرا ع الايضاح

Bella said...

لا ياعزيزي مش هي نفس اللى كتبت في الموضوع

التانية صاحبة يوميات عانس
فيه مدونة اسمها كده فعلا بس مش عارفة لو صاحبتها اسمها عبير ولا ايه

بس يمكن الاسم اللى بتكتب بيه في المدونة مستعار

بس مدونتها اسمها يوميات عانس حقود

ح اشوف واتأكد

بس عايزة اتجوز صاحبتها اسمها غادة عبد العال وانا عندي الكتاب بتاعها جبته في المعرض

يعني متأكدة جدا من معلوماتي

بس ح اشوف التانية دي واجي اقول لك

Bella said...

طلعت مش هي

طلع اسمها ايمان

ومدونتها اهي

http://3anes.blogspot.com/

بس على فكرة مافيش حد من العالم اللى نعرفهم على الفيس بوك اسمه عبير دي

انا سالت كل اللى اعرفهم ومالقيتش النجمة دي خالص

هههههههههههه

حلوة قوي حكاية النجوم دي

هههههههههه

Bella said...

لقيت عنها مقال في جريدة البديل

http://www.elbadeel.net/index.php?option=com_content&task=view&id=16333&Itemid=36

زي ماقلت لك

بس ماعرفتش الاقي عنوان البلوج بتاعها

محمد هانئ said...

متشكرين ع التصحيح يا بيللا العزيزة

wanna b a bride said...

بسم الله الرحمن الرحيم

خير اللهم اجعله خير

فيه إيه يا جماعة؟ أنا اسمي مكتوب ليه؟

و الله ما عملت حاجة

و بعدين أنا ماعرفش مين نجمة نجوم الفيس بوك دي

دي زي نجمة الجماهير و الا إيه؟

أنا كمان عمالة أسأل عليها كل اللي أعرفهم ماحدش سمع عنها

حتى الفيس بوك بقة فيه خم والا إيه يا جدعان؟
-----------------------

أولا تحقيق أهطل بجد

قريته و حرقلي دمي و ماتخيلتش الأهرام تنزل للمستوى ده

ثانيا توقيته مفضوووووووووووح قوي

ثالثا شباب لاسع-شباب خارج على الحاكم-شباب "ياعيني" بيشجعوا إسرائيل عشان واحد اتكلم عن حقائق تاريخية عن وجود اليهود في الدول العربية لفترة من الفترات

سيبوهم يرغوا براحتهم

القافلة تسير و انت عارف الباقي

wanna b a bride said...

آه..شكرا يا بيللا ع الدفاع

ربنا يخليكي يا بنتي ..أنا أصلي مش ناقصة تهم

هو ده العشم برضه

مواطن مصري said...

ههههه
و الله كل يوم بضحك مع الاهرام
فعلا
جريدة كوميدية
و بعدين هو
حد يعرف نجمة نجوم الفيس بوك عبير مين عيبر

دي اساسا

و نجمة النجومة عاملة زي مهيج الجماهير بتاعت عادل امام

و اتمنى ان تقراء ردي انا كمان على اكاذيب الاهرام
ع المدونة
www.lifeonnile.blogspot.com

محمد هانئ said...

العزيزة الدكتورة الزميلة برايد

أولا اعتذار واجب ليكي عن اللبس اللي حصل
و لكن لأن مفيش نجوم في الفايس بوك فانا استغربت
ولكن لان فيه نجومفي التدوين زيك(و ده مش رايي بس ده راي الناس اللي كانت مرشحاك للجائزة)
فالدهشة كانت اكبر
لكن أختنا بيللا صححت المعلومات عندي
مباركتش ع الكتاب لأن الدنيا عندك كانت زحمة جدا و المباركة حتتوه وسط الكومنتس
مبروك
و نورتينا
وليكي عندي حق عرب

محمد هانئ said...

والله يا مواطن انا معرفش النجمة ده عن نفسي
ولا حد من اللي أعرفهم عارف النجمة
باين الاهرام بقت تجيب عالم تعبانه في التحقيقات
الله يرحم ايام أحمد بهاء الدين
ولا عزاء للقراء

Anonymous said...

دي مدونة النجمة اللي بيقولوا عليها و معرفش طلعت نجمة امتى

http://yawmiyat3aness.blogspot.com/

للأسف تحقيق ميستاهلش ان الواحد يتكلم عنه

محمد هانئ said...

انت فين من زمان يا عم هشام
ده انا و بيللا حاولنا نوصل لمدونة النجمة معرفناش

انت اللي طلعت نجم

متشكرين

Bella said...

الو يازعيم

يظهر اني نسيت اجيب لك اللينك اللى نشره عبده باشا في مدونة نوارة عن النجمة الفنانة

بس معلش سامحني اصل من كتر المدونات اللى اتكلمت في نفس الموضوع يظهر اتهيألي اني جبت لك اللينك

هي بتكتب على فكرة في الدستور الاسبوعي في صفحة عن المرأة

محمد هانئ said...

ولا يهمك يا بيللا
اخونا هشام قام بالمهمة مشكورا

بتكتب في الدستور عن المراة
!!!!
لا فعلا نجمة الفايس بوك صحيح
:-))

Bella said...

ايوة بتكتب في الدستور الاسبوعي

صحيح بقالي فترة ماباجبش الدستور

بس جبتها الاسبوع اللى فات ده
موجود لها مقال في صفحة بنات وستات

هي بتحرر الصفحة هي وواحدة تانية اسمها رجاء

تدويناتها الموجودة هنا بتتنشر في صفحة بنات وستات دي

Anonymous said...

للاسف لكن هذا الحال مركب من العالم الغربى لكسر الاسلام وضياعه \\\\ انما الامم الاخلاق التوقيع عادل فلسطين