يصنف نفسه كوريث لعبد الناصر
سائر علي دربه مقتف اثره
اخر عنقود الناصريين العرب في الحكم
لكن ناصر لم يفرط يوما في كرامة اطفال بلده
= = = = = = = = = = = = = =
لقد ارسل الي بلغاريا
5 قتلة
حقنوا 450 طفل بالايدز
عمدا
لذلك استحقوا الاعدام
= = = = = = = = = = = = = = =
الموضوع تتدخل فيه حسابات سياسية
لقد استفادت ليبيا سياسيا بعد سياسة الجزر التي تبعت المد الليبي الذي ناطحت السياسة الليبية ابانه
السياسة الدولية
لكن في النهاية اتبعوا الحكمة القائلة
ان لم تستطع ان تكون ضدهم...انضم لهم
لذا فسياسيا استفادت ليبيا
= = = = = = = = = = = = = = =
كما امتدت الاستفادة الي الاستفادة المادية
بحسب سيف الاسلام القذافي لم يدفعوا التعويضات التي دبرتها فرنسا
كما لم تدفعها بلغاريا
= = = = = = = = = = = = = = =
السؤال هنا عندي
ما علاقة بلغاريا بالطبيب الفلسطيني؟؟؟
لماذا ادخلوه ضمن الصفقة
لقد منحوه الجنسية البلغارية
= = = = = = = = = = = = = = = =
لم اجد جوابا سوي هو كسر عين العرب
فرد عضلات عليهم
فحتي الذي ليس من مواطنيهم صار داخل كردون حمايتهم
اوروبا هي جنة الله في الارض
فوق البشر
فوق القانون وفوق العرب
= = = = = = = = = = = = = = = =
محكوم عليهم بالاعدام
صاروا طلقاء
لا تدعوا علي الحكام العجزة
لكن العنوا صمتكم
++++++++++++
++++++++++++
دمعة طفل ليبي
هناك كنت اسير في المستشفي
و جدته يجلس وحيدا
شاردا
اقتربت منه
و جدته دامعا
مالك يا بني
حزين علي ضياع حقك
قبضت يدا مددتها لمسح دمعك
اشفقت ان اصاب بمرضك
او لنقل لعنتك
حقونك بدم فاسد
و نحن يجري الفساد فينا مجري الدم
لوثنا الخنوع بذاك السم
الجبن
الغبن
اضاعوا حقك بحفنة من ورق لعين اخضر
او لاقل باعوك لابن اوروبا الاشقر
ثم جأوا ينوحوا بعد الافراج عنهم
فيا سادة
لا اعرف من سيدهم
قتل اطفالنا ليس جريمة في شرعتهم
فمتي كان لنا ثمن
اعذرني يا بني
فحتي دمعك لا اجرؤ علي مسحه
سامحني
محمد هانئ
14 comments:
عارف ياجدع
أنا لما بشوف الاجل القذافي بفتكر حاجتين
الأولانية فيلم المجانين في نعيم
و التانية الكابتن شطة الله يمسيه بالخير
.
.
.
القصيدة جميلة جداً
تحـــــــــــــياتي
ايه بيت الشعر الي يوجع القلب ده
حسبي الله و نعم الوكيل
انما اي ترى مين فينا الي ربنا بلاه بالتاني ... العرب بحكامهم..ولا الحكام بشعوبهم؟؟
أظن اننا كشعوب عربية خائبة و غائبة..وخانعة..تستحق كل الي يجرا عليها..وليها
صديقي العزيز..ادعوك لزيارة موقع ابناء مصر..لو طليت عندي شوية جايز تلاقي كلام يعجبك..
ٍسأنتظرك
الغالي انونميس
الاخ العقيد الناصري الثورجي باع ارواح 450 طفل
في مقابل الرضا الاوروبي السامي
و رضا الاخ العقيد كوزي الرئيس الفرنسي
عاشت الولايات المتحدة الافريقية
اشكرك
يا اهلا بسكوت حنصوت في اول زياراته الكريمة ده
احنا المبتلين بحكم عجزة
و هما المبتلين بشعوب مقطوعة اللسان
البلاء متبادل
فعلا
هم يستحقيون شعوبهم
و شعوبهم لا تستحق الا هم
اشكرك علي الدعوة الكريمة
بس انا بالفعل بدخل علي الموقع
و فكرت جديا اني اكون معاكم
ان شاء الله
نورتني
محمد هانئ
يا جدعان هو انا حاطة شنب
ده حتى البلوج عندي حريمي قوي و ريحته كلها ايف سان لوران
كل ما اروح في حتة تكلموني على اني راجل..ده ايه حرقة الدم دي...
معلش يا أخ محمد..هسامحك بس اكمنك غريب و ما تعلمش..والغريب اعمى وان كان بصير..منتظرينك يا سيدي عندنا في ابناء مصر...وهنتظر تعويض عيني قيمته ما تقلش عن خماشر تمناشر الف جنية على الخطأ الفادح ده
تحياتي
يا اخبر ابيض
ازاي فات عليا ان الصويت غريزة نسائية
بقي المصري افندي لا بيشوف ولا بيشم
لا شاف البنوته اللي دخلت عنده ولا شم العطر فرنسي الايحاء اللي بيفوح من مدونتها
العتب ع النظر و الانف
يا فندم احنا جاهزين للتعويض حتي اوكانوا الخماشر تمناشر الف جنيه
المهم
نعتزر يا ست البنات عن هذا الخطأ
و ان شاء الله اشوفك قريب في الاجتماع
محمد هانئ
The purchase of weapons for Mubarak to the Bush terrorist will be for making peace, or will be for taking the American terrorism for the Egipto?
The great people of the Egipto that is intent.
Of these two cannot come nothing of good.
David Santos (Portuguese)
عمرى ماعرفت معنى كلمة حقير
غير لما شفت موقف الرئيس الليبى اللى يستاهل القتل رميا بالأحذية
david the regime of mubarak is the
worst regime ever from the regime of stalin passing to chawchesko
we will fight the regime and bush
together
العزيزة تائهة
الحقارة وصف قليل
و الاحذية سعرها غالي
خسارة فيه
نورتيني
= = = = = = =
محمد هانئ
للاسف دي دموع كلمواطن عربي
وبرضة هقول للاسف
الشاعر الباشمهندس شمس
للاسف يا شمس
للاسف
= = = = = =
محمد هانئ
لما يكون ولادنا مالهومش تمن عندنا يبقي مين هيعملهم تمن
حكامنا باعوا كرامتنا و بكره يبيعوا وطنا للي يدفع اكتر
العزيزة emy
بكرة يتباع!!!!!
!!!!!!!!!!!
يا فندم الوطن اتباع خلاص في الاوكازيون و الموجود دلوقتي بواقي تصدير
= = = = = = = =
محمد هانئ
Post a Comment