Friday 28 September 2007

هاني هلال بيستهبل يا فوزية










يا سيادة الوزير يعني مش كفاية علي حضرتك خنقتنا في الجامعات
مش كفاية الامن اللي تحت الجلد
لا سيادتك عايز تخدعنا
ترميلنا الجزرة و نجري وراها عيب كده يا سيادة الوزير المبجل
= = = = =
أصل الحداية  مبتحدفش كتاكيت
و  أكيد سيادة الحكومة مقتكرتش اننا متميزين فجأة
هل بلغنا من السزاجة اننا نفرح ان حضرتك حتعمل جامعات مجانية للمتميزين
طب يا سيادته اذا كان مصاريف كليتي (بضم الكاف) 100 جنيه وكسور
حضرتك فهمني معناها ايه ان الكليات حتبقي مجانية للمتميزين
اذا كنت انت فشلت انك تلغي التنسيق
تقوللي حتحط معايير
أه أكيد معايير من اللي بنشوفها في كليتنا (بضم نفس الكاف اللي فوق) في امتحانات الشفوي من عينة ولاد الاساتذه
نقطة تانية
ماظنش ان المائة جنية في السنة علي كلية طب كتير
يبقي يا سيادته ملهاش غير معني واحد
معناها انك يا سيادتك عايز تلغي الدعم الحكومي للتعليم
معناها ان طب اللي انا فيها حتبقي و لا الجامعات الخاصة
معناها ان حضرتك(شفت الاحترام) عاوز تقضي علي الطبقة المتوسطة بسبب نقل جمال باشا مبارك – ابن السرايات- الأعمي للنظام الامريكي
و ده برضه علي اساس ان سيادتك احنا سيادتك الشعب سيادتك يبقبض ألاف الدولارات كما في أمريكا الي جايبة لجمال بيه هبل
يعني ابو قرش بعد مبقي بقرشين في عهد سيادة الرئيس الزعيم القائد الملهم
حيبقي التعليم كمان  في عهد ابن سيادة الرئيس الزعيم القائد الملهم  حيبقي بألفات
انا علي يقين ان هذا هو البداية لمخطط جمال مبارك بالغاء الدعم عن التعليم الجامعي كما يريد الغاء الدعم عن كل شئ
هو مش كفاية يا جيمي اللي انت بتأخذه
عايز تقفل عقولنا كمان

سعادة سيادة الوزير انا أعلم تمام العلم أهمية رضا جمال باشا السامي علي الوزراء للبقاء في مناصبهم
لكن تذكر ان التاريخ لا ينسي و نحن قلوبنا صارت اسود من قرن الخروب سيادتك
و كل من ستحرمونه من التعليم الجامعي
لن يرحم
و لن يغفر او ينسي
و انت يا سيادته
ستدفع ثمنها يوما ما



6 comments:

Bella said...

مرحبا المصري افندي

كل سنة وانت طيب ونتمني ان مصر تصبح طيبة

ولو ان واقع الحال لاينبئ عن قدوم اشياء طيبة
فكل يوم نفاجأ بمصيبة جديدة

الخبر الذي اوردته ليس له الا معنى واحد فقط هو ان مجانية التعليم انتهت وسندفنها قريبا

قانون الجامعات الجديد الذي حاول المدعو هاني هلال تمريره في هذه الدورة البرلمانية بدأ تطبيقه بالفعل حتى قبل إقرار مواده وذلك بالتواطؤ مع بعض الخونة من عمداء الكليات وبعض رؤساء الجامعات المنتمين للحكومة شكلا وموضوعا

وسبق ورفض هذا المحترمين من اساتذة الجامعات الشرفاء مشروع هذا القانون الذي سيحول الجامعات لبوتيكات لرجال الاعمال لتمويل التعليم بها وسيكون مطلوبا من كل جامعة ان تبحث عن ممولين لدعم الدرسة بها وتكتفي ذاتيا وتدفع مرتبات العاملين فيها من هذا التمويل

هل عمرك سمعت في بلد محترم يريد تعليم سليم ان تخلع الدولة يدها عن التعليم وتتركه لرجال الاعمال يتدخلوا في سياسة الجامعات ويخرقوا سيادتها.

هذا غيض من فيض

والمصيبة الاكبر ان مجانية التعليم لن يعد لها وجود ولكنهم لايجؤون على التصريح مباشرة بهذه المصيبة فيلجأون لطرق ملتوية منها حكاية التعليم المتميز هذه والتي تعني بمنتهي البساطة ان يحصل طالب خايب على مجموع اقل منك فتموت انت كمدا وحسة لانك لن تجد مكان في الجامعة ولكنه سيجد ببساطة لان ابيه سيدفع له مكان في المتميز
وانت عليك ان تتعلم في الاماكن التي تخص التعليم المجاني بشبابيكه المكسرة وقاعده المتهلكة

ونسبت اقول ان التعليم المتميز المزعوم يننون ان يأخذوا له مكان في الجامعات التي نملكها جميعا

يعني لن يقوموا ببناء جامعات جديدة ولكن سيجورون على مدرجات الطلبة المساكين امثالنا ويأخذون منها مايروق لهم ويركبون في تكييفات وسبورات جديدة وخلافه تمهيدا لتحويله للحي المتميز

وستصير حياتنا تميز في تميز

اقصد حياتهم طبعا

لان امثالنا غير معمول حسابهم في هذا التميز

مش عارفة اقول ايه

منذ فترة وانا افكر ان اناقش قانون الجامعات الجديد ولكن كلما هممت لم اجد عندي الرغبة في طرح مافيه من هراء ولكن يبدو ان الاوان قد آن ولاسبيل إلى الصمت

سآخذ لينك لموضوعك اضمه لمدونتي عن التعليم

http://bella-ta3leem.blogspot.com/

وعندما أكتب الموضوع سأعلمك

تحياتي

محمد هانئ said...

العزيزة بيللا
شكرا علي الرد
مدونتك جميلة جدا لا ينافس جودتها الا مدونتك الاصلية
في انتظار اعلامك لي عند كتابة الموضوع

Bella said...

مرحبا المصري أفندي
لم أكتب المقال الذي وعدتك به والخاص بالتعليم المتميز

يبدو ان المصائب لاتأتي فرادى بل تأتي جماعات

طالعت اليوم مقال نرفزني وفرسني للسيد فتحي سرور وكتبت التدوينة دي

http://bella-ta3leem.blogspot.com/2007/10/blog-post_01.html

على وعد بالكتابة عن موضوع التعليم المتميز قريبا ان شاء الله

تحياتي

Bella said...

المصري افندي
كيف حالك؟؟

انا عملت جروب على الفيس بوك عن التعليم

اتفضل نورنا بمشاركاتك في المناقشات

تحياتي

صحيح العنوان اهو
كنت ح انسى
هههههههههه

http://www.facebook.com/group.php?gid=25108970656

Anonymous said...

اريد النصيحه
ولدت فى اسرة فقيره اب مريض لا يعمل وام تعمل على عربة كشرى. لم يمهلنى القدر واصبحت يتيما انا واخوتى وانا فى الرابعة من العمربفقد ابى. حاربت امى الظروف وكانت تعمل 15 ساعه او اكثر وبالرغم اصابتها بالمرض كانت تعمل وتعمل حتى توفر 40 - 70 جنيه فى الشهر ناكل ونشرب وندرس و ندفع ايجار الحجره الصغيره التى تجمعنا نحن الاربعه. عندما جاء ترتيبى الخامس على محافظة القاهرة فى الابتدائيه بكت نعم بكت كثيرا كانت تقول لى اريدك دكتور و مدرس بالجامعه ... وتحقق الحلم مدرس بكلية الطب عين شمس لم ياخذ درس فى حياته لم يكن له واسطه غير دعاء والدته المريضه ... جاءت الفرصه لهذا الشاب للعمل بالخارج ... بالخليج فى كلية محترمه ... سافر مثلما سافر زملائه بعد ان فقدوا الامل فى بلدهم لا مرتب محترم لا امل فى الزواج لا امل فى شقه لا امل فى عياده ... كيف اساعد امى كيف اساعد اخوتى فى زواجهم ... الخليج كانت الاجابه واضحه ... تركت بلدى حبيبتى تركت اصدقائى تركت امى تركت اخوتى لغربه مره وعمل ليل نهار لاساعد امى واخوتى وايوه علشان الحلم الكبير يكون عندى شقه واتجوز ايوه اتجوز... دعيت ربى اذا تحققت هذه الاحلام سارجع لن استمر عبد فى الدوله العربيه الى الابد ... ?? الف جنيه فى الشهر مرتب الدكتور اليتيم ... مرتب سنه من مرتبى فى مصر ... من هذا المرتب تخلصت من البدروم وجبت لاخوتى شقه صغيره... وفى السنه الاخرى استطعت تجهيز اخوتى ... فى السنه الثالثه عملية امى و شقتى ... لم يمهلنا القدر فجاء الوزير و رئيس جامعة عين شمس ليتامروا ضد المدرسين العاملين بالخارج و يرفضوا مد اجازتى ... ياتفضل عبد طول عمرك يا امه تفضل شحات ... هذا هو الاختيار

زملاءئ نصحونى برفع قضيه ولكن الوزير لايحترم اوينفذ احكام القضاء ارجو المساعده

Anonymous said...

يستهدف رئيس جامعة عين شمس وسيادة وزير التعليم العالى اعضاء هيئة التدريس و معاونيهم العاملين بالخارج للعودة الى الوطن ويخيروهم بين العوده او الرفد وليس الاستقاله. ٤٠٠ مدرس من خير عقول انجبتها مصر اوائل الثانوية العامه على الجمهوريه و اوائل كلية الطب بعين شمس مهدديين بالرفد وخسارة جميع مستحاقتهم الماليه و المعنويه. ان عودة هؤلاء الاساتذه هو خساره جسيمه للدخل القومى ... هذه الدوله التى لم يعطها الله بترول ولكن اعطاها عقول وادمغه... ان فقدان هذا الدخل يعرض امن مصر القومى للخطر وان تحويلات العاملين بالخارج هى سند مصر بعد دخل قناة السويس ... عودة هؤلاء الاساتذه لن يفيد مصر بشىء وارددها لن يفيد مصر بشىء لان مشكلة التعليم والبحث العلمى بمصر ليس من اساببها تواجد المصريين بالخارج. الاسباب معروفه واولها ميزانية البحث العلمى و عدم وجود المعامل و حشر الطلبه فى مدرجات لاتسعهم و ضعف الدخل للاستاذ الجامعى والتدخل الامنى وتدخل المحظوره و و و و و ... ليس من اسباب التاخر تواجد الاساتذه بالخارج ... ويكذب الوزير ويقول ان الاقسام محتاجه وهو يعلم ان هناك مدرسين فوق الاربعين ويدخلون سكاشن وليسال رئيس جامعة عين شمس الذى عينوا 30 طالب من دفعته حتى يعينوه فى الجامعه هؤلاء ال30 يكفوا لادارة قسم لمدة 30 سنه لقدام ... والان ماذا سيختار ال 400 ضحيه ومنهم علماء بالخارج ... فى الحالتين سيخسر هذا الشعب المسكين الدخل ... سواء رجعوا لينضموا للطابور او تركوا بلادهم واستقروا فى الخارج ... الوزير اكد انه لاحاجة لتحويلات العاملين فهل يصلح ان يكون وزيرا من يفكر بهذا المستوى والذى يتلاعب بدخل مصر هل يصلح ان يكون وزيرا من يسعى لتحطيم مستقبل زملائه وتدميرهم هل يصلح ان يكون وزيرا والكارثه ان سيادة الوزير سافر ١٤ سنه لفرنسا ولما رجع مصر بيحرم اللى عمله هو شخصيا ويقول ده القانون ... طب القانون يوافق ان وزير يشتغل بارت تيم فى جامعة خاصه )سنجور( ويحضر نصف سنويا اجتماع مجلس الجامعه بفرنسا ... الى السيد قائد ورئيس الجمهوريه نشكوا لك هذا الظلم والاستهتار بمستقبل المدرسين بجامعة عين شمس ولن تاخذنا رحمه بالوزير او رئيس الجامعه لانهم ارادوا تشريدنا ورفدنا

ما هو دخل مصر من العاملين بالخارج

الشعب المصرى 75 مليون لو قولنا ان متوسط كل اسرة 5 افراد هيبقى عندنا 15 مليون اسرة مصرية وعشان مش ابقى مبالغ هنقول ان نصف ال15 مليون اسرة يعنى 7,5 مليون اسرة لها واحد من كل اسرة مغترب يعنى فى 7,5 مليون مصرى مغترب هنقول ان كل مصرى مغترب بيوقر مبلغ 1000 جنيه فى الشهر يعنى 12000 جنيه فى السنة الفلوس دى بتدخل مصر والله والله ده اقل تقدير وانا متاكد بس برضه خلينا نحسبها بالحد الادنى يبقى 12000 فى 7.5 مليون مغترب يساوى جمد قلبك من المفاجاة ال جاية دى 90 مليار جنيه يعنى احنا ال بنصرف على البلد كل واحد مغترب شايل اهله بطريقة مباشرة وشايل شوية غلابة على اقارب بطريق غير مباشر كمان ال7,5 مليون مصرى دول مريحين الحكومة من عبئهم يعنى لو موجودين مش متغربين على الاقل كل يوم الصبح عايزين 7,5 مليون رغيف مدعم غير المياه والصرف الصحى وغير وغير ومع ذلك المغتربين بتتعامل اسوء معاملة فى المطارات والموانىء وللتجارة فى ارواحهم زى ممدوح اسماعيل وبيفتشوا امتعتنا زى ميكون مهربين وكل ده علشان يعرفوا ياكلو وياكلوا اهاليهم فى مصر.